काठमाडौं । नेपाल बंगलादेश (एनबी) बैंकका संस्थापक सेयरधनी लक्ष्मीबहादुर श्रेष्ठले एनबीलाई ठूलो बैंक बनाउन सहयोग गर्ने उद्देश्यले मुद्दा फिर्ता लिएको बताएका छन् । यसअघि नबिल बैंक र एनबी बैंकबीचको मर्जर तथा एक्विजिसन रोक्न सर्वोच्च अदालतमा मुद्दा दायर गरेका उनले आज मुद्दा फिर्ता लिएका हुन् ।

‘हामी एनबीलाई अब ठूलो बैंक बनाउन चाहन्छौं, नबिल बैंकमा जान तयार भएका छौं, अब नबिल र एनबी मिलेर ठूलो बैंक बन्छ, हामी यसमा खुशी छौं,’ उनले विकासन्युजसँग भने ।

यस्तै, उनले आफुहरूले नेपाल राष्ट्र बैंकको मर्जर तथा एक्विजिसनको नीति पनि पालना गर्नु पर्ने धारणा राखे ।

‘हामीले बैंकको भविश्य पनि हेर्न चाहन्छौं, राष्ट्र बैंकको मर्जर तथा एक्विजिसनको नीतिलाई पनि पालना गर्नु पर्छ, यसमा हाम्रो पूर्ण समर्थन छ,’ उनले थपे ।

गत बिहीबार सर्बोच्च अदालतका न्यायधीश ईश्वरप्रसाद खतिवडाको एकल इजलाशले सो अल्पकालीन आदेश जारी गर्दै मर्जरको प्रक्रिया अगाडि नबढाउन भनेका थिए । लक्ष्मीबहादुर श्रेष्ठ समूहको कम्पनी दिवेश्वरी इन्भेष्टमेन्ट प्रालि र नेपाल पावर डेभलपमेन्ट एण्ड इन्भेष्टमेन्ट कम्पनीले दुई छुट्टाछुट्टै रिट अदालतमा हालेको थियो ।

बिहीबारका लागि न्यायाधिसहरु डा. आनन्दमोहन भट्टराई र सुस्मलता मानन्धरको इजलासमा सुनुवाइ तोकिएको थियो सुनुवाइ सुरु नहुँदै श्रेष्ठले मुद्दा फिर्ता लिएका हुन् ।

कम्पनीले नेपाल स्टक एक्सचेञ्ज र नेपाल धितोपत्र बोर्डलाई मुद्दा हालेका थिए । दुवै बैंकले जेठ सात गतेका लागि विशेष साधारणसभा आव्हान गरेका छन् । अब नबिल बैंकमा एनबीलाई गाभ्ने प्रक्रिया अगाडि बढेको छ ।

सम्बन्धित समाचारः 

एनबी बैंकका लक्ष्मी श्रेष्ठले फिर्ता लिए मुद्दा, नबिलमा गाभिने बाटो खुल्यो

सम्बन्धित शिषर्कहरु

बढी रेमिट्यान्स भित्र्याउने तीन वाणिज्य बैंक सम्मानित, यी हुन् अन्य कम्पनी

सानिमा बैंकद्वारा १० लाखको दुर्घटना बीमा रकम हस्तान्तरण

राष्ट्र बैंकका पूर्व गभर्नर ढकाल सम्मानित, अन्य को-को ?

कर्जाको ब्याज एकल अंकमा आएको अवसरलाई सदुपयोग गरौं : डेपुटी गभर्नर ढुंगाना

दुई दशकको बैंकिङ अनुभवमा अहिले सबैभन्दा ‘टफ टाइम’ महसुस गरेँ : सीईओ पन्त

६९औं वार्षिकोत्सव मनाउँदै नेपाल राष्ट्र बैंक