२०७८ चैत २० गते १७:१६ विकासन्युज
काठमाडौं । नयाँ वर्षको अवसर पारेर वैशाख २ गतेदेखि बुद्ध एयरले भद्रपुर-पोखराको दैनिक सिधा उडान भर्ने भएको छ ।
बुद्ध एयरले दुवै प्रदेशका वासिन्दा मात्र लभान्वित नभई सीमापारी सिलगढी, दार्जिलिङ, सिक्किमबाट पनि पर्यटकहरु भित्रिन सजिलो हुने जनाएको छ ।
साथै, भद्रपुर वरिपरिका पर्यटकीय तथा धार्मिक गन्तव्यका साथै इलामका चियाबगान, हिमश्रृंखलाहरुको पनि पर्यटकहरुले अवलोकन गर्न सक्नेछन् ।
बुध्द एयरको भगिनी संस्था बुध्द होलिडेजले यी दुवै गन्तव्यका लागि आकर्षक होलिडी प्याकेजहरु पनि ल्याएको छ । भद्रपुर–पोखरा प्याकेजका लागि १५ हजार रुपैयाँमा २ रात ३ दिनको प्याकेज छ । जसभित्र हवाई टिकट, पोखरा एयरपोर्टबाट होटल तथा होटलबाट पोखरा एयरपोर्ट गाडी सुविधा, रुम र बिहानको ब्रेकफास्ट संलग्न छ ।
यस रुटका लागि बुध्द एयरले भाडादर ६ हजार ९०० सय रुपैयाँ कायम गरेको छ ।
Copyright © 2024 Bikash Media Pvt. Ltd.