२०७८ चैत १८ गते ११:४७ विकासन्युज
काठमाडौं । चोभार सुख्खा बन्दरगाहमा नेपाल बैंकको राजश्व काउन्टर स्थापना हुने भएको छ ।
नेपाल बैंक र नेपाल सरकार, अर्थ मन्त्रालय, भन्सार विभागबीच काउन्टर स्थापनाका लागि सम्झौता भएको छ । उक्त काउन्टरबाट भन्सार विभागको नाममा प्राप्त हुने राजस्व एवम् धरौटीको रकम संकलन गर्ने बैंकले जनाएको छ ।
भन्सार विभागको तर्फबाट माहानिर्देशक कमलप्रसाद भट्टराई र नेपाल बैंकको तर्फबाट प्रमुख कार्यकारी अधिकृत कृष्णबहादुर अधिकारीले सम्झौता पत्रमा हस्ताक्षर गरेका छन् ।
सम्झौतापत्रमा भन्सार विभागको आवश्यकताअनुरुप बैंकले सरल र सहज तरिकाबाट राजस्व संकलन कार्य गर्नेछ । सो अवसरमा भन्सार विभागका माहानिर्देशक कमलप्रसाद भट्टराईले नेपालको पहिलो बैंक सँग राजस्व कारोवारको विषयमा विगत लामो समयदेखि सम्वन्ध र सहकार्य रहेको भन्दै नेपाल बैंक भरपर्दो आधुनिक प्रविधिमैत्री भएकाले सम्झौता गरिएको बताए ।
नेपाल बैंकका प्रमुख कार्यकारी अधिकृत कृष्णबहादुर अधिकारीले नेपालको पहिलो बैंक नेपाल बैंकलाई नै चोभार भन्सारको राजस्व संकलनको जिम्मेवारी प्रदान गरेकोमा भन्सार विभागप्रति आभार व्यक्त गरे ।
Copyright © 2024 Bikash Media Pvt. Ltd.