२०७८ पुष २६ गते १७:३३ विकासन्युज
काठमाडाैं । हिमालयन बैंकले संकटा क्लबलाई शहिद स्मारक ए डिभिजन फुटबल प्रतियोगितामा प्रायोजन गर्ने भएकाे छ । बैंकले न्यूरोडस्थित संकटा क्लबलाई रुपैयाँ दश लाख प्रदान गरेसँगैं प्रतियोगितामा प्रायोजन गर्ने भएकाे हाे ।
बैंकले सो रकम खेलाडीहरुको खेल तयारी तथा खेलमा आवश्यक पर्ने सर–सामान खरिद गर्न उक्त क्लबलाई मद्दत स्वरुप प्रदान गरेको जनाएकाे छ ।
बैंकका तर्फबाट प्रमुख कार्यकारी अधिकृत अशोक शम्शेर राणाले सो रकम एक समारोहका बीच संकटा क्लबका महासचिव रमेश धोज बस्नेतलाई हस्तान्तरण गरेका थिए ।
उक्त समारोहमा महाप्रबन्धक अनुप मास्के लगायत अन्य वरिष्ठ पदाधिकारीहरु सहित संकटा क्लबका अध्यक्ष इनद्रमान तुलाधर लगायत अन्य प्रतिनिधिहरुको उपस्थिति रहेका थियो ।
Copyright © 2024 Bikash Media Pvt. Ltd.