नबिल बैंकले वार्षिक ७ सय युवालाई उद्यमी बन्न सहयाेग गर्ने
२०७८ मंसिर १० गते ११:५२ विकासन्युज
काठमाडाैं । नबिल बैंकले सामाजिक उद्यमशिलताकाे लागि नबिल स्कुल अफ साेसल इन्टरप्रेनरसिप सुरु गरेकाे छ । बैंकले समाजमा उद्यमशिलताकाे माध्यमबाट सामाजिक समस्याकाे दिर्घकालिन समाधान गर्ने उदेश्यकाे साथ उक्त कार्यक्रम सुरु गरेकाे जनाएकाे छ ।
यस मार्फत बैंकले स्थानिय समुदायकाे सामाजिक उद्यम क्षमता र नेतृत्व विकासकाे लागि आवश्यक सिप र वित्तिय सहयाेग प्रदान गर्नेछ ।
यस अन्तर्गत कम्पनीले पहिलाे चरणमा सातै प्रदेशकाे एकएक वटा विद्यालयसँग सम्झाैता गरेकाे छ । यस कार्यक्रमले सातै प्रदेशलाई समेट्ने गरी प्रत्येक प्रदेश वा विश्वविद्यालयसँग सहकार्य गरी वार्षिक ७०० विद्यार्थीलाई सामाजिक उद्यमी बन्न सहयाेग गर्नेछ ।
फेलाेशिप कार्यक्रम आवसीय तालिममा आधारित हुनेछ जसकाे लागि बैंकले त्रिभुवन विश्वविद्यालयकाे व्यवस्थापन संकाय स्कुल अफ म्यानेजमेन्टसँग सम्झाैता गरेकाे छ ।
कार्यक्रमले १८ देखि ५० वर्षभित्रका इच्छुक व्यक्तिलाई उद्यमकाे सुरुवात गर्न सहयाेग गर्न लक्ष्य राखेकाे छ । यस कार्यक्रममा सहभागी हुन चाहने व्यक्तिले ताेकिएकाे मापदण्ड अनुसार निवेदन दिन सक्नेछन् । तालिम अविधमा खान बस्ने सबै सुविधा उपलब्ध हुने बैंकले जनाएकाे छ ।उनीहरुले शिक्षा, स्वास्थ्य, पानी तथा सरसफाइ, कृषि, खाद्य, जीविकोपार्जन, उर्जा र जलवायु परिवर्तन जस्ता क्षेत्रहरुमा लगानी गरी सामाजिक उद्यमशीलता विकास गर्न सक्नेछन् ।
सहभागिहरुले सामाजिक उद्यम संचालनको तरिकासँगै आधारभूत कानूनी तथा कर सम्बन्धीका ज्ञान पनि पाउँनेछन् । उनीहरुले सामाजिक समस्याको पहिचान तथा त्यसको समाधानको तरिका, सामाजिक संजाल मार्फत आफ्नो व्यवसाय प्रबद्र्धन, लेखा सम्बन्धी ज्ञान, आवश्यक योजना तथा बजेट व्यवस्थापन जस्ता व्यवसाय संचालनका आधारभूत कुराहरुको समेत व्यवहारिक ज्ञान र सीप पाउनेछन् ।
लघु वित्त, संस्था व्यवस्थापन, परियोजना संचालन तथा व्यवस्थापन, प्रस्तुति कला, आफ्ना वस्तु तथा सेवाको बजारिकरण जस्ता विषयलाई समेत तालिममा समावेश गरिएको छ । यसले गर्दा यो तालिम व्यवसाय शुरुवात तथा संचालनमा मात्र सिमित नभएर उद्यमीको व्यक्तित्व, नेतृत्व र विविध सीप विकाससँग समेत जोडिएको बैंकले जनाएकाे छ ।
बैंककाे अनुसार यसरी व्यवसाय संचालनका लागि आवश्यक सैद्धान्तिक तथा व्यवहारिक ज्ञानका साथै कर्जाका लागि समेत सहयोग गरिने भएकाले यो कार्यक्रमले नयाँ उद्यमीलाई सफल र सक्षम बनाउन सहयोग पुग्ने छ ।
सम्बन्धित शिषर्कहरु
Copyright © 2024 Bikash Media Pvt. Ltd.