२०७८ भदौ १० गते १३:०० विकासन्युज
काठमाडौं । नर्भिक इन्टरनेशनल हस्पिटलको शनिबारबाट सहुलियत दरमा ज्वाइन्ट रिप्लेसमेन्ट सर्जरी हुने भएकाे छ ।
बजारकोभन्दा निकै सहुलियत दरमा ज्वाइन्ट रिप्लेसमेन्ट सर्जरीको सेवा उपलब्ध गराइने नर्भिक इन्टरनेशनल अस्पतालका प्रमुख कार्यकारी अधिकृत अजय मिश्रले जानकारी दिए ।
यस्तै अस्पतालकाे निःशुल्क ओपिडी अभियान अन्तरर्गत आउने शनिबार वरिष्ठ अर्थोपेडिक सर्जन डा. ऋषि बिष्ट र अर्थोपेडिक्स तथा ट्रमा सर्जन डा. कुलदीप मंगल जोशी नेतृत्वको टिमले सेवा दिने भएका छन् ।
शनिबारको फ्रि ओपिडीमा आउने बिरामीहरुले समेत ज्वाइन्ट रिप्लेसमेन्ट सर्जरीका लागि नाम टिपाउनसक्ने व्यवस्था मिलाइएको अस्पतालले जनाएकाे छ ।
हाडजोर्नीसँग सम्बन्धित समस्या भएका र शल्यक्रिया गर्नुपर्ने बिरामीहरुले फ्रि ओपिडीको साथै सहुलियत दरको शल्यक्रिया सेवा समेत लिन सक्नेछन् ।
नर्भिकले विगत केही साताअघिदेखि आफ्नो कर्पोरेट सोसियल रेसपोनसिबिलीटी(सीएसआर) अन्तर्गत प्रत्येक शनिबार कुनै न कुनै विशेषज्ञ चिकित्सकलाई फ्रि ओपिडी सेवा दिन सुरु गरेको छ । यही क्रममा शनिबार डा. बिष्ट र उनको टिमले बिहान १० बजेदेखि मध्यान्ह १२ बजेसम्म नर्भिक अस्पतालमै बिरामीहरुलाई निःशुल्क ओपिडी सेवा दिनेछन् ।
अस्पतालकाे अनुसार निःशुल्क ओपिडी सेवा लिनका लागि नर्भिक अस्पतालका ओपीडी प्रमुख क्षितिज उप्रेतीलाई ९८४११८१२८१ नम्बरमा वा नर्भिकको कल सेन्टर नम्बर ०१५९७००३२ मा फोन गरेर आफ्नो नाम टिपाउन सकिने छ । रासस
Copyright © 2024 Bikash Media Pvt. Ltd.