काठमाडौं । ग्लोबल आईएमई क्यापिटलले अनलाईन बाहेकका कुनै पनि सेवा प्रदान गर्न नसक्ने बताएको छ । कर्मचारीहरुमा कारोना पोजेटिभ देखिएपछि क्यापिटलले बुधबार एक सूचना जारी गर्दै अनलाईनबाहेकका सेवा दिन नसकिने जानकारी गराएको हो ।

यससँगै घरमै बसी लिन तथा दिन सकिने सेवा सम्बन्धी कार्य मा गर्नको लागि क्यापिटलले आग्रह गरेको छ । भौतिक रुपमा उपस्थित भई गर्नुपर्ने कार्य गर्ने तथा सो मा यस कम्पनीको समेत भौतिक रुपमा संलग्नता हुनुपर्ने कार्य गरेमा सो को जिम्मेवारी ग्राहक आफैले लिनुपर्ने समेत क्यापिटलले सूचनामार्फत जानकारी गराएको छ ।

डिम्याट खाता र मेरो सेयर नविकरणको लागि ९८६१५९६५६८ मा ह्वाट्सएप, भाईबर र एसएमएसबाट समेत सम्पर्क गर्न सक्नेछन् । त्यस्तै, मेरो सेयरको पासवर्ड रिसेट गर्नको लागि ९८६१५९६५६८ मा र मर्चेण्ट बैंकिङग (सेयर रजिष्ट्रार) सम्बन्धीको लागि ग्राहकले ९८१३९८७३८५ नम्बरमा ह्वाट्सएप, भाईबर र एसएमएसबाट सम्पर्क गर्न सकिने क्यापिटलले जानकारी गराएको छ ।

यसअघि क्यापिटलले निषेधाज्ञा जारी भएको गत बैशाख १६ गतेदेखि निषेधाज्ञा जारी भएपछि न्युन कर्मचारीबाट दैनिक कार्य सम्पादन गर्दै आएको थियो ।

त्यस्तै, काठमाडौं जिल्ला प्रशासनको बैशाख २८ गतेको आदेश अनुसार बैशाख २९ गते राती १२ बजेदेखि जेठ १३ गते राती १२ बजेसम्मका लागि घरबाट निस्कन नपाउने र अत्यावश्यक सेवा बाहेकका सेवा प्रवाह स्थगन गर्ने गरी निषेधाज्ञा जारी गर्ने निर्णय गरेको छ ।

सम्बन्धित शिषर्कहरु

सवारी साधनको आयात बढ्दो, ४ हजार ६७९ विद्युतीय कार आयात

बोर्डिङमा भन्दा सामुदायिक विद्यालयमा आकर्षण, अङ्ग्रेजी माध्यममा पढाइने

चौतर्फी प्रहार भइरहेको बैंकिङलाई राष्ट्र बैंकको मलम

स्थायी निक्षेप सुविधामा पुनरावलोकन हुने

राष्ट्र बैंकले चाँदीको आयात पुनरावलोकन गर्ने

अब बैंकहरुले असल कर्जामा १.२० प्रतिशत मात्रै प्रोभिजनिङ गर्नुपर्ने