काठमाडौं । वाणिज्य बैंकहरुले व्याजदर बढाउन थालेका छन् । कोभिड महामारीका कारण थला परेको अर्थतन्त्र चलायमान हुन थालेका कारण कर्जाको माग बढेकोले बैंकहरुले निक्षेपको व्याज बढाउन थालेका हुन् ।

बैंकहरुले प्रकाशित गरेको विवरणले एक महिनाको बीचमा निक्षेपको व्याज ६७ प्रतिशतसम्मले बढेको देखाएको छ । निक्षेपको व्याज सबैभन्दा धेरै बढाउनेमा अहिले नबिल बैंक अगाडि देखिएको छ ।

धेरै परिसुचकमा अब्बल रहेको नबिल बैंकले निक्षेपको व्याज सबैभन्दा बढी बढाएपछि त्यसको असर अन्य वाणिज्य बैंकहरुमा पनि पर्ने देखिएको छ । नबिल बैंकले गत फागुन १ गतेको तुलनामा ६७.३३ प्रतिशतले व्याज बृद्धि भएको सुचना चैत १ गते प्रकाशित गरेको छ ।

नबिलले प्रकाशित गरेको सुचना अनुसार गत फागुन १ गते सो बैंकले निक्षेपमा सबैकम व्याज १.५ प्रतिशत दिन्थ्यो । चैत १ गते प्रकाशित सुचनामा नबिलले निक्षेपमा सबैभन्दा कम व्याज २.५१ प्रतिशत दिने भनेको छ । यो एक महिनाको बीचमा नबिलले ६७.३३ प्रतिशतले निक्षेपको व्याज बढाएको देखिएको हो ।

यस्तै, मेगा बैंकले पनि एक महिनाको बीचमा निक्षेपको व्याज निकै बृद्धि गरेको सुचना प्रकाशित गरेको छ । मेगाले गत फागुनमा प्रकाशित गरेको सुचनामा बचत निक्षेपको न्यूनतम व्याज ३.५ प्रतिशत थियो । चैत १ गते प्रकाशित सुचनामा न्युनतम व्याज ५.५ प्रतिशत दिने भनिएको छ । एक महिनाको बीचमा मेगाले बचत निक्षेपमा ५७.१४ प्रतिशतले व्याज बढाएको छ ।

एक महिनाको बीचमा सिभिल बैंकले पनि बचत निक्षेपको व्याज उल्लेख्य मात्रामा बढाएको छ । सिभिलले गत फागुनमा प्रकाशित गरेको सुचनामा निक्षेपको न्यूनतम व्याज २.५१ प्रतिशत दिने भनेको थियो । चैतमा प्रकाशित सुचनामा ३.७५ प्रतिशत दिने भनिएको छ । एक महिनाको बीचमा सिभिलले निक्षेपको न्यूनतम व्याजदर ४९.४ प्रतिशतले बढाएको छ ।

एनआईसी एसिया बैंकले एक महिनामा नै निक्षेपको व्याजदर ४० प्रतिशतले बढाएको छ । गत फागुन महिनामा एनआइसी एसियाले बचत निक्षेपमा न्युनतम १.५ प्रतिशत दिने सुचना प्रकाशि गरेको थियो । चैतमा प्रकाशित गरेको सुचनामा एनआइसी एसियाले बचत निक्षेपमा न्युनतम २.१ प्रतिशत व्याज दिने भनेको छ ।

लक्ष्मी बैंकले एक महिनाको बीचमा बचत निक्षेपको न्युनतम व्याज २५ प्रतिशतले बढाएको छ । सो बैंकले गत फागुनमा प्रकाशित गरेको सुचनामा बचत निक्षेपमा न्युनतम व्याज २ प्रतिशत दिने भनेको थियो । चैतमा प्रकाशित सुचनामा भने बचत निक्षेपको न्युनतम व्याज २.५ प्रतिशत दिने भनिएको छ ।

सम्बन्धित शिषर्कहरु

समृद्धि फाइनान्सका ग्राहकलाई आर्सिया डेन्टलमा छुट

महालक्ष्मी विकास बैंकले दियो आगलागी पीडितलाई राहत

सबैभन्दा धेरै रेमिट्यान्स भित्र्याउने ग्लोबल आइएमई बैंक सम्मानित

सम्मान संस्कारको सुरुवात

ग्लोबल आइएमई बैंक ‘उत्कृष्ट बैंक’

व्यवसायी ज्योती र मल्होत्राले पनि विदेशी साझेदार खोज्दै, लगानी सम्मेलनमा यी १९ जलविद्युत आयोजना सोकेस