२०७७ फागुन २६ गते १६:१९ विकासन्युज
काठमाडौं । पाटन दरबारको मन्दिर पुनःस्थापना गर्न हिमालयन बैंकले १ कराेड सहयाेग गरेकाे छ । बैंकले आफ्नो संस्थागत सामाजिक उत्तरदायित्व अन्तर्गत पाटन दरबार क्षेत्रमा भएको पुरातात्विक महत्वको मन्दिर पुननिर्माणको लागि काठमाडौं भ्याली प्रिजर्भेसन ट्रष्टलाई १ करोड सहयाेग गरेकाे हाे ।
बैंक संचालक समितिका अध्यक्ष तुलसी प्रसाद गौतमले ट्रष्टका कन्ट्री प्रोग्राम डाइरेक्टर रोहित कुमार रन्जितकारलाई बैंकको केन्द्रीय कार्यालयमा आयोजित एक समाहरोकाबीच सो सम्बन्धि चेक हस्तान्तरण गरे ।
बैंकले आफ्नो स्थापना काल देखिनै स्वास्थ्य, शिक्षा, प्राकृतिक विपत्तिमा परेकाहरु, संस्कृतिक सम्पदाहरुको संरक्षण/पुर्नस्थापना, वित्तिय साक्षरता, वातावरण संरक्षण, जनचेतना आदि जस्ता क्षेत्रमा सहयोग प्रदान गर्दै आइरहेको छ ।
Copyright © 2024 Bikash Media Pvt. Ltd.
