२०७७ माघ ९ गते १०:५२ विकासन्युज
काठमाडाैं । चन्द्रागिरी हिल्स लिमिटेडकाे आईपीओ बाँडफाँड भएकाे छ । कम्पनीले निष्काशन गरेको आईपीओ शुक्रबार बिहान १० बजे गोलाप्रथामार्फत बाँडफाँड भएको हाे ।
बिक्री प्रबन्धक ग्लोबल आईएमई क्यापिटलले शुक्रबार बिहान १० बजे गोलाप्रथामार्फत आईपीओ बाँडफाँड गरेको हाे । गोलाप्रथाबाट १ लाख ३९ हजार ६ सय २ जनाले १० कित्ता सेयर पाएका छन् । त्यस्तै २० कित्ता देखि १३ हजार ९ सय ६० कित्तासम्मको लागि आवेदन दिने मध्ये बाट २ जनाले थप १ कित्ता शेयर पाएका छन ।
कम्पनीको आईपीओमा १२ लाख १६ हजार ९ सय ५३ जना आवेदकले आवेदन दिएका थिए । जस मध्ये १२ लाख ११ हजार १ सय १५ जना मात्र योग्य आवेदक रहेको क्यापिटलले जनाएको छ । १० लाख ७७ हजार बढी आवेदकको हात खाली भएको छ ।
कम्पनीले १५ करोड ३४ लाख ९१ हजार रुपैयाँ बराबरको १५ लाख ३४ हजार ९१ कित्ता आईपीओ निष्काशन गरेको थियो ।
Copyright © 2024 Bikash Media Pvt. Ltd.