२०७७ साउन २२ गते १७:३० विकासन्युज
काठमाडौं । सरकारले रुग्ण उद्योग समस्या र सञ्चालन उपायबारे अध्ययन प्रतिवेदन पेश गर्न कार्यदल गठन गरेको छ । सोमबार बसेको मन्त्रिपरिषद् बैठकका निर्णय सार्वजनिक गर्दै सरकारकाे प्रवक्ता तथा अर्थ र सूचना तथा सञ्चार मन्त्री डा. युवराज खतिवडाले साे कूरा जानकारी दिएका हुन् ।
पूर्व सञ्चार सचिव दीपक सुवेदीको संयोजकत्वमा अन्य पाँच सदस्य कार्यदलमा रहेको उनले बताए । कार्यदलमा उद्योग, वाणिज्य र बैंकिङ तथा आर्थिक क्षेत्रका तीन विज्ञ, मन्त्रालय मातहतका भौतिक पूर्वाधार तथा वातावरण महाशाखा प्रमुख र औद्योगिक तथा लगानी प्रर्वधन महाशाखाका प्रमुख सहसचिव सदस्य सचिव तोकिएका छन् ।
उद्योग, वाणिज्य र बैंकिङ तथा आर्थिक क्षेत्रका विज्ञमा पूर्व सहसचिव जीवराज कोईराला, बैंककिङ क्षेत्रबाट नेपाल राष्ट्र बैंकबाट कामु कार्यकारी निर्देशकबाट अवकासित डा।गोपाल भट्ट र लेखा परीक्षक कृष्णप्रसाद आचार्य रहेका छन् ।
Copyright © 2024 Bikash Media Pvt. Ltd.