थप ३ सय २३ जनामा कोरोना संक्रमण पुष्टि, संक्रमितकाे संख्या ३ हजार २ सय ३५ पुग्याे
२०७७ जेठ २४ गते १६:३८ विकासन्युज
काठमाडौं । शनिबार थप ३ सय २३ जनामा कोरोना संक्रमण पुष्टि भएको छ ।
जसमाध्ये २ सय ८६ जना पुरुषहरु र ३७ जना महिलाहरु रहेको स्वास्थ्य तथा जनसंख्या मन्त्रालयका प्रवक्ता डा विकास देवकाेटाले बताएका छन् । याेसँगै नेपालमा काेराेना संक्रमितकाे संख्या ३ हजार २ सय ३५ पुगेकाे मन्त्रालयले जानकारी दिएकाे छ ।
काेराेना संक्रमणबाट मुक्त भइ शनिबार मात्र ३२ जना घर फर्किएका छन् । हालसम्म ३ सय ६५ जना काेराेना संक्रमणमुक्त भइसकेकाे मन्त्रालयका प्रवक्ता डा. देवकाेटाले जानकारी दिए ।
त्यस्तै कैलाली र डाेल्पामा मृत्यु भएका २ जनाका काेराेना पुष्टि भएको छ । याेसँगै कोरोना संक्रमणका कारण नेपालमा ज्यान गुमाउनेहरुको सख्या पनि १३ पुगेको छ ।
सम्बन्धित शिषर्कहरु
Copyright © 2024 Bikash Media Pvt. Ltd.