मानवता माथिनै गम्भिर प्रश्न, विष्फोटक तत्व भरिएको अनारस खुवाउँदा गयो गर्भवती हात्तीको ज्यान
२०७७ जेठ २१ गते ७:४० विकासन्युज
काठमाडौं । भारतको केरल राज्यमा विष्फोटक तत्वले भरिएको अनारस खाँदा एउटा गर्भवती हात्तीको ज्यान गएको छ ।
घाइते भएपछि त्यो हात्ती यति पिडामा थियो कि तीन दिन सम्म एउटा नदीमा आफ्नो मुख र सुँडलाई पानी भित्र डुबाएर उभिएको थियो ।
वन विभागका कर्मचारीले त्यो हात्तीलाई पानीबाट बाहिर निकाल्न तथा उपचार गर्न धेरै प्रयास गरेको भएपनि सफल हुन सकेनन् । अन्ततः २७ मईको दिन त्यही नदीमै उसको ज्यान गएको छ ।
निलांबुर वन क्षेत्रमा जनावर र मानिसका बिच संघर्ष चलिरहने भएतापनि गर्भवती हात्तीलाई फलफूल भित्र विष्फोटक पदार्थ राखी खान दिएको घटनाले मानवता माथि नै गंभिर प्रश्न उब्जाएको छ ।
हाल सो स्थानमा त्यो हात्तीलाई विष्फोटक पदार्थ खुवाउने व्यक्तिहरुको खोजी भइरहेको छ ।
श्रोतः बीबीसी
सम्बन्धित शिषर्कहरु
Copyright © 2024 Bikash Media Pvt. Ltd.