२०७७ जेठ १९ गते ९:५२ विकासन्युज
काठमाडौं । बाँकेको राप्ती सोनारी गाउँपालिका–२ ठुरिया जंगलमा गाडी दुर्घटना हुँदा मृत्यु हुनेको संख्या १२ पुगेको छ भने ५ जनाको अवस्था गम्भिर रहेको छ । भारतबाट फर्केकाहरुलाई लिएर बाँकेको नेपालगञ्जबाट दाङ आउँदै गरेको बस दुर्घटना भई ११ जनाको घटनास्थलमा नै मृत्यु भएको थियो ।
थप एक जनाको भेरी अञ्चल अस्पतालमा उपचारको क्रममा मृत्यु भएको जिल्ला प्रहरी कार्यालय बाँकेका सूचना अधिकारी दिर्घराज उपाध्यायले जानकारी दिए ।
२० जना घाइतेहरुको उपचार भइरहेको र हालसम्म मृतक तथा घाइतेको सनाखत हुन नसकेको जिल्ला प्रहरी कार्यालय बाँकेले जनाएको छ ।
नेपालगञ्जबाट दाङ हुँदै सलयान जानलागेको गरेको ना ५ ख ५९९५ नम्बरको हाइस गाडी रोकिराखेको बा ४ ख ९०६४ नम्बरको ट्रकमा ठोक्किँदा दुर्घटना भएको हो ।
सम्बन्धित समाचार
Copyright © 2024 Bikash Media Pvt. Ltd.