निको भएर फर्किए काठमाडौंका चार जना कोरोना संक्रमित
२०७७ जेठ ८ गते १६:१५ विकासन्युज
काठमाडौं । काठमाडौं उपत्यकाका चार जना कोरोना संक्रमित निको भएर घर फर्किएका छन् । काठमाडौंको टेकुस्थित शुक्रराज ट्रपिकल तथा सरुवा रोग अस्पतालमा उपचार गराइरहेका चार जना संक्रमित निको भएर बिहीबार डिस्चार्ज भएका हुन् ।
डिस्चार्ज हुनेमा काठमाडौंका दुई जना र भक्तपुरका दुई जना रहेका छन् । उनीहरुको पछिल्लो दुईवटा रिपोर्ट नेगेटिभ आएपछि उनीहरुलाई डिस्चार्ज गरिएको अस्पतालले जनाएको छ ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार डिस्चार्ज हुनेमा २३ वर्षीय महिला, ३७ वर्षीय पुरुष, २५ वर्षीय महिला र २७ वर्षीय पुरुष रहेका छन् । उनीहरु सबै नवौं दिनमा डिस्चार्ज भएका उनले जानकारी दिए ।
यससँगै नेपालमा कोरोना भाइरस निको हुनको संख्या ४९ पुगेको छ ।
सम्बन्धित शिषर्कहरु
Copyright © 2024 Bikash Media Pvt. Ltd.