२०७६ चैत २२ गते १५:३६ विकासन्युज
काठमाडाैं । शनिबार काेराेना संक्रमण देखिएकी धनगढीकी महिलामा काेराेना भाइरसकाे कुनै लक्षण नदेखिएकाे बताइएकाे छ । आज कोरोना देखिएकी युवती धनगढीका काेराेना संक्रमित युवककी भाउजु हुन् ।
चिकित्सकहरूका अनुसार कोरोना भाइरसको संक्रमण भएका मानिसमा सामान्यतया रुघाखोकी लाग्ने, ज्वरो आउने, शरीर दुख्ने, सास फेर्न गाह्रो हुनेलगायतका लक्षण देखा पर्ने गर्दछन् । तर, उनमा भने ती कुनै लक्षण नदेखिएकाे बताइएकाे हाे ।
सेती अस्पतालका आकस्मिक कक्ष बिभाग प्रमुख चिकित्सक जगदिश जोशीले उनमा काेराेनाकाे लक्षण नदेखिएकाे तर नमुना संकलन गरी परीक्षण गरिसकेपछि रिपाेर्ट पाेजेटिभ देखिएकाे बताए । हाल, सेती प्रादेशीक अस्पतालमा अपचाररत चारै जनाकाे स्वास्थ्य अवस्था सामान्य रहेका अस्पतालले बताएकाे छ ।
Copyright © 2024 Bikash Media Pvt. Ltd.