२०७६ फागुन १२ गते ११:१४ विकासन्युज
काठमाडौं । नेपाल नागरिक उडड्यन प्राधिकरण विभाजन हुने निश्चित भएकाे छ । सरकारले प्राधिकरण लाई अलग अलग नियामक र सेवा प्रदायक संस्था बनाउनको लागि विभाजन गर्ने कार्य अघि बढाइएको हो ।
नेपालको हवाइ सेवाको नियामक निकायका रुपमा रहेको नेपाल नागरिक उड्ययन प्राधिकरणलाई टुक्रयाउने गरी तयार भएको दुई वटा विधेयक प्रतिनिधि सभामा दर्ता पनि भएको छ ।
संस्कृति पर्यटन तथा नागरिक उड्यनमन्त्री योगेश भट्टराईले आइतबार दर्ता गरेको प्रस्तावित विधेयकमा हवाइ सेवामा नियामक र सेवाप्रदायक निकायको रुपमा दुई वटा निकाय प्रस्ताव गरिएको छ ।
प्राधिकरणका महानिर्देशक राजन पोखरेलले यी दुवै संस्थाको काम आ–आफ्नै हुने बताए । प्राधिकरणले नियमन गर्ने र सेवा प्रदाायक संस्थाले विमानस्थलको व्यवस्थापन,सञ्चालन तथा अन्य सेवा प्रदायक कार्य गर्ने उनको भनाइ छ ।
नागरिक उड्ययन प्राधिकरणलाई टुक्रयाएर दुई वटा निकाय बनाउँदा हाल कार्यरत कर्मचारीले पदस्थापन हुन नचाहेको खण्डमा स्वेच्छिक अवकाश लिन सक्ने गरी विशेष व्यवस्था प्रस्तावित विधेयकमा छ ।
यस्तै, नेपाल वायु सेवा निगमको २५ प्रतिशत सेयर बिक्री गर्नका लागि सञ्चालक समितिको बैठकले सैद्दान्तिक स्वीकृति दिएको छ । सरकारले ७५ प्रतिशत सरकार आफैले राखी बाँकी २५ प्रतिशत सेयर बिक्री गर्नका लागि सैद्दान्तिक स्वीकृति दिइएको सञ्चालक समितिका सदस्य अच्युतराज पहाडीले बताए ।
उनका अनुसार २२ प्रतिशत सरकारी संस्थालाई र ३ प्रतिशत सेयर कर्मचारीलाई दिने गरी सैद्दान्तिक स्वीतृति दिइएको हो ।
सम्बन्धित समाचार:
नेपाल वायुसेवा निगम निजीकरणमा, क्यान छुट्टाइयो
Copyright © 2024 Bikash Media Pvt. Ltd.
