२०७६ माघ २३ गते १६:२१ विकासन्युज
काठमाडौं । तयारी पुरा नभई चीनमा भएका नेपाली नागरिक ल्याउँदा ३ करोड जनताकाे स्वास्थ्यमा खतरा रहने सूचना तथा सञ्चार मन्त्री गोकुल बास्कोटाले बताएका छन् ।
बिहीबार आयोजित नियमित पत्रकार सम्मेलनमा मन्त्रिपरिषदका निर्णय सार्वजनिक गर्दै उनले साे कुरा बताएका हुन् ।
अहिले नेपाल सररकाले १८० नेपालीलाइ चीनबाट ल्याउन तयारी गरिरहेको छ । यद्यपी सरकारकाे तयारी अझै पुरा गर्न सकेको छैन ।
मन्त्री बास्कोटाले चीनमा रहेका नेपालीहरु सुरक्षित रहेको र तयारी हुने बित्तिकै उनीहरुलाई ल्याईहाल्ने बताए ।
प्रधानमन्त्री केपी शर्मा ओलीको नेतृत्वमा बिहिबार बसेको बैठकले भने फर्काईने नागरिकहरुलाई ४ ठाउँमा निर्णय गरेको छ । बैंठकबाट शिवपुरी, इचङ्गुनारायण, सूर्यविनायक र खरिपाटी गरी चार स्थानमा क्वारेन्टाइन स्थल छनोट गरिएको छ ।
चीनमा फैलिएको कोरोना भाईरसको कारण बिहिबारसम्म ५ सय ६३ जनाको मृत्यु भएको छ भने २८ हजार भन्दा बढि संक्रमित भएका छन् ।
Copyright © 2024 Bikash Media Pvt. Ltd.