२०७६ पुष २७ गते १६:१३ विकासन्युज
काठमाडाैं । नेपाल सरकारले पासपाेर्टकाे कभर बेचविखनमा प्रतिबन्ध लगाएकाे छ । राहदानी विभागले एक सूचना जारी गर्दै पासपाेर्ट कभर बेचविखन गर्न प्रतिबन्ध गरिएकाे बताइएकाे हाे ।
जहाँत्यहीँ पाइने पासपाेर्टकाे कभरका कारण मानिस ठगिने परिपाटी बढेकाेले पासपाेर्ट कभरमा राेक लगाइएकाे जनाइएकाे छ । झट्ट हेर्दा पासपोर्टजस्तै देखिने कभरका कारण मानिसहरू झुक्किने र यसै कारण ठगी हुने क्रम बढेपछि सरकारले यस्तो खोल बेच्न प्रतिबन्ध लगाएको हो । सर्वसाधरणलाई यस्ताे कभर खरिद नगर्न पनि विभागले अनुराेध गरेकाे छ ।
Copyright © 2024 Bikash Media Pvt. Ltd.