२०७६ मंसिर ८ गते १६:०५ विकासन्युज
काठमाडौं । मिस नेपाल श्रृंखला खतिवडाको सपना पूरा भएको छ । आफ्नो गृह जिल्ला मकवानपुरको स्वास्थ्य चौकी निर्माण गर्ने उनको इच्छाले साकार रुप लिएको हो ।
मिस नेपाल खतिवडाको अगुवाईमा प्रदेश नं ३ मकवानपुरको कैलाश गाउँंपालिका वडा नं ७ ताम्लाङमा ङिकाे स्वास्थ्य चौकी भवन निर्माण पूरा भएको हो । इटाको विकल्पमा भित्री तथा बाहिरी पार्टेशन वालको रुपमा प्रयोग हुने निर्माण सामाग्री कम्पनी गोर्खा इको प्यानलको सहयोगमा भवन निर्माण पूरा भएको हो ।
इको प्यानलले भवन निर्माणका लागि आवश्यक इको प्यानल सहयोग गरेको हो । स्वास्थ्य चौकी भवनको उद्घाटन एक समारोहबीच संघीय साँंसद विरोध खतिवडाले गरे ।
कार्यक्रममा मिस नेपाल श्रंखलासहित प्रदेश सभा सदस्य ओमबहादुर घलान, मुनु सिग्देल, जिल्ला समन्वय समिति मकवानपुरका उपप्रमुख भवतती पुडासैनी, हेटौडा उपमहानगरपालिकाकी उपमेयर मीनाकुमारी लामा लगायतले खुशी व्यक्त गरेका थिए ।
Copyright © 2024 Bikash Media Pvt. Ltd.