२०७६ कार्तिक २९ गते १२:२६ विकासन्युज
काठमाडौं । हिमालयन बैंकले चालु आर्थिक वर्षको पहिलो त्रैमासमा ६९ करोड ४२ लाख रुपैयाँ नाफा कमाएको छ । जुन अघिल्लो वर्षको सोही अवधिको तुलनामा ६.४२ प्रतिशतले बढी हो । बैंकले गत आवको पहिलो तीन महिनामा ६४ करोड ९६ लाख रुपैयाँ नाफा कमाएको थियो ।
८ अर्ब ५२ करोड रुपैयाँ चुक्ता पुँजी रहेको बैंकको जगेडा कोषमा ५ अर्ब ७९ करोड रुपैयाँ संकलन भएको छ । जुन अघिल्लो वर्षको तीन महिनामा ५ अर्ब ३० करोड रुपैयाँ रहेको थियो ।
साउनदेखि असोजसम्ममा बैंकले निक्षेपमा ६ अर्बले वृद्धि गरी एक खर्ब १५ अर्ब रुपैयाँ पुर्याएको छ । त्यस्तै, कर्जा सापटी ५ अर्बले वृद्धि गरी ९७ अर्ब ७० करोड रुपैयाँ पुर्याएको छ । बैंकले खुद आम्दानी ३ अर्ब १४ करोड रुपैयाँ पुर्याउँदा एक अर्ब ८२ करोड रुपैयाँ बराबरको खर्च गरेको छ ।
त्यस्तै, बैंकको खराब कर्जा घटेर १.१६ प्रतिशतमा झरेको छ । कष्ट अफ फण्ड ६.१४ बाट ६.४२ प्रतिशतमा पुगेको छ । पुँजी प्रयाप्त अनुपात बढेर १४.०८ प्रतिशत छ । बेसरेट ९.२२ बाट घटेर ८.९३ प्रतिशतमा झरेको छ । नेपाल राष्ट्र बैंकको निर्देशन अनुसार बैंकको स्प्रेड दर बढेर ५.३६ प्रतिशत रहेको छ ।
बैंकको प्रतिसेयर आम्दानी ३२.५९ रुपैयाँ र प्रतिसेयर नेटवर्थ १९५.८३ रुपैयाँ रहेको छ । त्यस्तै, प्रतिसेयर मूल्य आम्दानी अनुपात १५.४० रहेको छ ।
Copyright © 2024 Bikash Media Pvt. Ltd.