काठमाडौं । सिटिजन्स बैंक इन्टरनेशनलले क्रिकेटर ज्ञानेन्द्र मल्ललाई ब्राण्ड एम्बेसडर नियुक्त गरेको छ । बैंक राष्ट्रिय क्रिकेट टिमका उप कप्तान मल्ललाई एक बर्षका लागि ब्राण्ड एम्बेसडर नियुक्त गरेको हो । बैंकमा आयोजित एक कार्यक्रमका बीच प्रमुख कार्यकारी अधिकृत राजन सिंह भण्डारी र मल्लले खुद्रुके र ब्याट साटासाट गरेका थिए ।

यसैबिच सिटिजन्स बैंकले सात वटा बिशेषता भएको मेरो सिटिजन्स बचत खाता सञ्चालनमा ल्याएको छ । ७ प्रतिशत ब्याजदर, सात वटै प्रदेशमा उपस्थितीसहित बैंकले ७ वटै बिशेषता भएको बचत खाता सञ्चालनमा ल्याएको हो । मेरो सिटिजन्स बचत खातामा एक सय रुपैंयाँको न्युनतम मौज्दात, निःशुल्क अन्तर शाखा कारोबार, निःशुल्क मोबाइल बैंकिङ, अनलाईन कारोबारमा थ्री डी सुरक्षा प्रबिधि निःशुल्क दर्ता, निःशुल्क भिसा डेबिट कार्ड, लकरमा बार्षिक ५० प्रतिशत छुट तथा विदेशी मुद्रामा ड्राफ्ट तथा स्वीफ्ट जारी गर्दा ५० प्रतिशत छुटको सुबिधा रहेको छ ।

कार्यक्रममा बैंकका डेपुटी सिइओ गणेशराज पोखरेलले गाउँ गाउँसम्म सुबिधा सम्पन्न वित्तिय सेवा विस्तारसँगै नेपालको खेलकुद क्षेत्रको विकासमा पनि बैंक हिस्सेदार बन्न चाहेको बताए । उनले नेपालाई खेलकुद केन्द्रका रुपमा स्थापीत गराउन सकिने सम्भावनालाई औल्याउँदै बैंकले संस्थागत सामाजिक उत्तरदायीत्वको ३८ प्रतिशत रकम खेल क्षेत्रमा खर्चेकोको जानकारी पनि दिए ।

ब्राण्ड एम्बेसडर नियुक्त भएका क्रिकेटर मल्लले १८ महिनादेखि तलब नपाईरहेका खेलाडीलाई ब्राण्ड एम्बेसडर बन्ने अवसरले जिविकोपार्जनमा समेत सहयोग पुग्ने बताएका थिए ।

सम्बन्धित शिषर्कहरु

ज्योति क्यापिटलको स्वतन्त्र सञ्चालकमा गौतम र वशिष्ठ नियुक्त

६९औं वार्षिकोत्सव मनाउँदै नेपाल राष्ट्र बैंक

मुग्लिन-पोखरा सडकका चार ठाउँमा ‘प्रिकाष्ट’ प्रविधि प्रयोग गरेर पुल बनाइँदै

बागमती प्रदेशले बैशाख २४ गते सार्वजनिक बिदा दिने

अर्थतन्त्र सुधार्न खरो उत्रिनु पर्ने देखियो : डेपुटी गभर्नर मिश्र

पुवा खोला-वान हाइड्रोवापरले आईपीओ निष्काशन गर्ने