काठमाडौं । लक्ष्मी बैंकले गत आर्थिक वर्षको नाफाबाट सेयरधनीलाई १५ प्रतिशत लाभांश दिने घोषणा गरेको छ । कात्तिक १७ गते बसेको सञ्चालक समितिको बैठकले सेयरधनीलाई सो मात्राको लाभांश दिने प्रस्ताव गरेको हो ।

समितिको प्रस्ताव अनुसार बैंकले सेयरधनीलाई चुक्ता पुँजीको १० प्रतिशत बोनस र ५ प्रतिशत नगद लाभांश वितरण गर्न लागेको हो । यस अनुसार बैंकले ८९ लाख २० हजार ५०८ रुपैयाँ बोनस र ४४ करोड ६० लाख २५ हजार ४३२ रुपैयाँ नगद लाभांश वितरण गर्ने प्रकृया अघि बढाएको हो ।

प्रस्तावित लाभांश अघिल्लो वर्षको तुलनामा ७ प्रतिशत बढी हो । अघिल्लो वर्ष बैकले ८.५ प्रतिशत बोनस र ०.४५ प्रतिशत नगद लाभांश दिएको थियो।

उक्त प्रस्तावलाई नेपाल राष्ट्र बैंकले स्वीकृत तथा बैंकको आगामी साधारणसभाले पारित गरेपछि मात्रै सेयरधनीले सो मात्राको लाभांश पाउने छन् ।

हाल बैंकको चुक्ता पुँजी ८ अर्ब ९२ करोड रुपैयाँ रहेको छ । १० प्रतिशत बोनसपछि बैंकको पुँजी ९ अर्ब ८१ करोड रुपैयाँ पुग्ने छ ।

सम्बन्धित शिषर्कहरु

चितवनको सबस्टेसन सञ्चालनमा, भरतपुरको विद्युत् आपूर्तिमा सुधार हुने

माछापुच्छ्रे बैंकले विद्यालयलाई दियो कम्प्युटर र प्रिन्टर

नेपालमै खुल्याे हुण्डाई गाडीको पहिलाे एसेम्बल प्लान्ट

नेपालमा युरोपेली लगानी भित्र्याउन संघले सघाउने

दरबारमार्गबाट स्रोत नखुलेको ९८ लाखसहित दुईजना पक्राउ

सोल्टी होटलको नाफा ४१ करोड २३ लाख