काठमाडौं । बुधबारको सेयर बजार ८.७३ अंकले उकालो लागेको छ । जुन अघिल्लो दिनको तुलनामा ०.७८ प्रतिशतले बढेर ११२४ अंकमा पुगेको छ ।

सो दिनको बजार बीमा कम्पनीले उचालेको छ । बुधबार सबैभन्दा बढी कमाउने र कारोबार गर्नेकाे लिष्टमा बीमा कम्पनी नै अग्रस्थानमा रहेका छन् । सबैभन्दा बढी प्रभु इन्स्योरेन्सको सेयर मूल्य ८.५० प्रतिशतले बढेको छ । बुधबार बढी कमाउने टप टेनको लिष्टमा ४ वटा बीमा कम्पनी रहेका छन् । त्यस्तै, लुम्बिनी जनरल इन्स्योरेन्स, सगरमाथा इन्स्योरेन्स, आईएमई जनरल इन्स्योरेन्सका सेयरधनीले क्रमशः ७.७२ प्रतिशत, ५.८० प्रतिशत र ५.६६ प्रतिशत कमाएका छन् ।

बुधबार १६९ कम्पनीको ३० करोड ८२ लाख रुपैयाँ बराबरको सेयर कारोबार भएको छ । सो मध्ये नेपाल लाइफ इन्स्योरेन्स कम्पनीको सबैभन्दा बढी अर्थात २ करोड ८२ लाख रुपैयाँ बराबरको सेयर कारोबार भएको छ । त्यस्तै, एनआईसी एशिया र एनएमबि बैंकको क्रमशः एक करोड ९३ लाख रुपैयाँ र एक करोड ७२ लाख रुपैयाँ बराबरको सेयर किनबेच भएको छ ।

यसका साथै, जीवन र निर्जीवन बीमा दुबै समूह सयौँ बढी अंकले उकालो लागेका छ्न् । जसमध्ये सबैभन्दा बढी जीवन बीमा समूह १४२.९१ अंकले उकालो लागेको छ भने निर्जीवन बीमा समूह १०१.६५ अंकले उकालो लागेका छ । त्यस्तै, कारोबारमा आएका बाँकी सबै समूहको सूचक बढेर हरिया देखिएका छन् ।

सम्बन्धित शिषर्कहरु

सुदूरपश्चिम प्रदेशका मुख्यमन्त्री सोडारीले पाए विश्वासको मत

नबिल बैंकका सीईओ ढुङ्गानाको कार्यकाल दुई वर्ष थप, तीन दशकदेखि निरन्तर बैंकिङमा

संसद अवरोध खुलाउन सभामुखको प्रमुख सचेतकहरूसँग छलफल, बैठक बस्न ढिलाई

कस्तो छ बेचिएको भनिएको गिरीबन्धु टि-स्टेटको जग्गाको अवस्था ? (फोटो फिचर)

आइपीओ जारी गर्दै ठमेल प्लाजा होटल

आजबाट काठमाडौंका यी क्षेत्रमा बिजुली नआउने