काठमाडौं । मंगलबारको नेप्से परिसूचक सामान्य ३.७५ अंकले उकालो लागेको छ । अघिल्लो दिनको तुलनामा ०.३४ प्रतिशतले बढेर १११५.७४ अंकमा पुगेको छ । त्यस्तै, सेन्सेटिभ इन्डेक्स ०.६३ अंकले बढेर २४६ अंकमा पुगेको छ ।

सामान्य अंकले उकालो लागेको बजारमा घोडाघोडी लघुवित्तका शेयरधनीले १० प्रतिशत कमाएका छन् । सो दिन संस्थाको सेयर मूल्य ५८ रुपैयाँले बढेर प्रतिकित्ता ६३८ रुपैयाँ पुगेको छ । त्यस्तै, दिब्यश्वरी हाइड्रो पावरको सेयर मूल्य ८.१४ प्रतिशतले बढेर प्रतिकित्ता ५३ रुपैयाँमा कारोबार भएको छ ।

बजारमा कूल १७२ कम्पनीको २६ करोड ६८ लाख रुपैयाँ बराबरको सेयर कारोबार भएको छ । सो मध्ये सिद्धार्थ बैंकको २ करोड ६० लाख रुपैयाँ बराबरको प्रमोटर सेयर बिक्री भएको छ । त्यस्तै, एनएमबि बैंकको एक करोड ९० लाख, नेपाल लाइफ इन्स्योरेन्सको एक करोड ३९ लाख, एनआईसी एशिया बैंकको एक करोड २७ लाख र जनउत्थान सामूदायिक लघुवित्त विकास बैंकको एक करोड १२ लाख रुपैयाँ बराबरको सेयर कारोबार भएको छ ।

सो दिन जीवन बीमा समूह सबैभन्दा बढी ६३ अंकले उकालो लागेको छ भने ट्रेडिङ समूह सबैभन्दा बढी १७ अंकले ओरालो लागेको छ । मंगलबार साल्ट ट्रेडिङ कर्पोरेसनको सेयर मूल्य ५.४१ प्रतिशतले घटेको छ ।

सम्बन्धित शिषर्कहरु

सुदूरपश्चिम प्रदेशका मुख्यमन्त्री सोडारीले पाए विश्वासको मत

नबिल बैंकका सीईओ ढुङ्गानाको कार्यकाल दुई वर्ष थप, तीन दशकदेखि निरन्तर बैंकिङमा

संसद अवरोध खुलाउन सभामुखको प्रमुख सचेतकहरूसँग छलफल, बैठक बस्न ढिलाई

कस्तो छ बेचिएको भनिएको गिरीबन्धु टि-स्टेटको जग्गाको अवस्था ? (फोटो फिचर)

आइपीओ जारी गर्दै ठमेल प्लाजा होटल

आजबाट काठमाडौंका यी क्षेत्रमा बिजुली नआउने