काठमाडौं । प्रमुख पाँचतारे होटल तारागाउँ रिजेन्सी (ह्यात) ले ३९ प्रतिशतले नाफा वृद्धि गरेको छ ।

ह्यात सञ्चालक कम्पनीले बिहीबार सार्वजनिक गरेको चालु आर्थिक वर्ष २०८०/८१ को तेस्रो त्रैमासिक वित्तीय विवरणमार्फत नाफा बढेको जनाएको हो ।

वित्तीय विवरणअनुसार ह्यातले पछिल्लो नौ महिनामा ३३ करोड ३२ लाख रुपैयाँ खुद नाफा गरेको हो ।

गत आर्थिक वर्ष तेस्रो त्रैमाससम्ममा भने ह्यातले २३ करोड ८८ लाख रुपैयाँ खुद नाफा गरेको थियो ।

कम्पनीले सार्वजनिक गरेको वित्तीय विवरणमा पर्यटक संख्यामा वृद्धि भएसँगै होटलको तृतीय त्रैमासिक अवधिमा अक्युपेन्सी दर अघिल्लो वर्षको सोही अवधिको तुलनामा वृद्धि भएको उल्लेख गरिएको छ । यस कारण समीक्षा अवधिमा होटलको आम्दानी १२ प्रतिशत बढेको छ ।

चालु आर्थिक वर्षको तेस्रो त्रैमासमा होटलले १ अर्ब १३ करोड ९९ लाख रुपैयाँ कुल आम्दानी गरेको छ । गत आर्थिक वर्षको यसै अवधिमा होटलको यस्तो आम्दानी १ अर्ब १ करोड रुपैयाँ थियो ।

होटलको नाफा बढेसँगै प्रतिसेयर आम्दानी पनि बढेको छ । गत वर्ष यस अवधिसम्म १२ रुपैयाँ ६६ पैसा रहेको कम्पनीको प्रतिसेयर आम्दानी यस वर्ष १६ रुपैयाँ ९९ पैसा कायम छ ।

गत वर्ष कम्पनीको प्रतिसेयर नेटवर्थ १२७ रूपैयाँ २४ पैसा रहेकोमा यस वर्ष १३७ रुपैयाँ १९ पैसा कायम छ ।

सम्बन्धित शिषर्कहरु

सेबोनको प्रवक्तामा डा.नवराज अधिकारी नियुक्त

 पेट्रोलियम पाइपलाइन अन्वेषण गर्नेकुराले समस्या निम्तिन्छ : जलवायु विज्ञ

१८ निर्माण तथा आपूर्तिकर्ता कम्पनी कालोसूचीमा, ३ वर्षसम्म काम गर्न नपाउने

निजामती कर्मचारी अस्पतालले माग्यो १२८ कर्मचारी (सूचनासहित)

मुक्तिनाथ कृषि कम्पनीको ७० हजार कित्ता सेयरको लकइन अवधि आजबाट सकिँदै

आयातमा कर बढाउँदा दालको मूल्य बढ्ने, स्वदेशी उद्योग बन्द हुने