काठमाडौ । उद्योग वाणिज्य तथा आपूर्तिमन्त्री दिलेन्द्र प्रसाद बडूले सम्पूर्ण औद्योगिक क्षेत्रहरु पूर्ण रुपमा सञ्चालन हुनपर्ने बताएका छन् ।

बिहीबार नेपाल सरकार उद्योग वाणिज्य तथा आपूर्ति मन्त्रालय एंवम् नेपाल उद्योग वाणिज्य महासंघबीच समझदारी पत्र हस्ताक्षर समारोहमा आफ्नो धारणा राख्दै बन्द भएका र आधा क्षमतामा चलेका औद्योगिक क्षेत्रहरु पनि सञ्चालनमा आउनु पर्ने बताएका हुन् ।

सरकार र निजी क्षेत्रबीचमा सहकार्यको सुरुवात भएको बताउँदै उनले आयातलाई निरुत्साहित र निर्यातलाई प्रोहत्सान गर्न आवश्यक रहेको बताए ।

‘सरकार निजी क्षेत्रसँग सहकार्य गर्न सक्छ, एफएनसीसीआईसँगको समझदारी पत्रले स्पष्ट मार्ग चित्र बनेको छ, अब एउटा परिणाममा पुग्न सक्छौं, यो साझेदारीपछि देखिने खालको परिणाममा पुग्न सक्छ,’ उनले भने ।

यससँगै निजी क्षेत्रको अपेक्षा पुरा हुने बताउँदै उनले अहिलेको अर्थतन्त्रमा देखिएको समस्या सबै मिलेर समाधान गर्नुपर्ने बताए ।

‘भूमीको हदबन्दी पुनरावलोकन भएको छ, यसले पनि एउटा परिणाम दिन सक्छ, निर्यातलाई प्रोहत्साहन गर्न सरकारले विभिन्न सहुलियत दिएको छ, मुलुकको व्यापार घाटा कम गर्न सरकार लागि परेको छ,’ उनले भने ।

साथै, हाल उत्पादनको लागत कम गर्न एबल बिन्दु सेवा पनि सञ्चालन भइरहेको उनको भनाई छ ।

‘सरकार निजी क्षेत्रको लगानी सुरक्षित गर्न तयार छ, अब अविश्वासको वातावरणको अन्त्य हुन्छ, हामीले लिएको एजेन्डाहरु मिलेर गरे समग्र क्षेत्रलाई स्थानीय क्षेत्रदेखि नै चलायमान गर्नुपर्छ,’ उनले भने।

सम्बन्धित शिषर्कहरु

लगानी सम्मेलन : मुलुकको समृद्धिमा राजनीतिक ऐक्यबद्धताको सन्देश

४ कम्पनीको १ करोड बढीको संस्थापक सेयर कारोबार

मर्स्याङ्दी-काठमाडौं र मातातीर्थ २२० केभी सबस्टेसनको उद्घाटन (फोटोफिचर)

नवनियुक्त शिक्षकको दुःखेसो : आयोग पास गरेर पनि पढाउने विद्यालय पाएनौँ

कानुन संशोधन लगानी वातावरण सुधारप्रतिको हाम्रो प्रतिबद्धताको प्रमाण हो : अर्थमन्त्री

सर्वसाधारण भन्छन् : लगानी सम्मेलन लगानी भित्र्याउने राम्रो अवसर हो