आजदेखि विद्यालय ६ दिन बन्द
२०७९ वैशाख २८ गते ९:५३ विकासन्युज
फाइल फोटो
काठमाडौं । सरकारी विद्यालयहरु आजदेखि ६ दिनसम्म बन्द हुने भएका छन् । स्थानीय तह निर्वाचनका लागि सामुदायिक विद्यायलहरु आजदेखि जेठ २ गतेसम्म बन्द हुने भएका हुन् ।
सरकारले मतदानको दिन मात्र सार्वजनिक विदा दिएता पनि आजदेखि विद्यालयहरु बन्द भएका हुन् ।
स्थानीय तह निर्वाचनका लागि अधिकाशं विद्यालयमा मतदान केन्द्र राखिएको तथा शिक्षकहरु निर्वाचनमा खटिएपछि विद्यालय बन्द गरिएको हो ।
यसअघि शिक्षा तथा मानव स्रोत विकास केन्द्रले ७७ वटै शिक्षा विकास तथा समन्वय इकाइलाई मतदान केन्द्र कायम भएका विद्यालयमा २८ गतेदेखि ३० गतेसम्म तीन दिन विदा दिन निर्देशन दिएको थियो ।
यस्तै, बैशाख ३१ गते शनिबार, जेठ १ गते सरकारले आइतबार दिएको सार्वजनिक विदा र सोमबार बुद्ध जयन्ती परेकाले विद्यालयहरु लामो समयसम्म बन्द हुने भएका हुन ।
स्थानीय तह निर्वाचनका लागि अधिकाशं कर्मचारीहरु निर्वाचनमा खटिएको भन्दै अधिकाशं सरकारी कार्यालयले सेवाप्रवाह स्थगित गरेका छन् ।
सम्बन्धित शिषर्कहरु
Copyright © 2024 Bikash Media Pvt. Ltd.