काठमाडौं । बैंककमा ग्राउन्डेड बनेको नेपाल वायुसेवा निगमको एयरबस ३२० (न्यारोबडी) जहाज नियमित सञ्चालनमा आएको छ ।

गत अप्रिल १ तारिखमा बैंकको सुवर्णभूमि अन्तर्राष्ट्रिय विमानस्थलबाट टेक अफ गर्ने क्रममा निगमको न्यारोबडी जहाजको टायरमा (पांग्रा) समस्या आएको थियो । टायरमा समस्या आएको जहाज ६ दिनपछि मर्मत गरेर काठमाडौं ल्याईएको हो ।

बैंककमा बिग्रिएको जहाज थाई एयरवेजका प्राविधिक टिमको सहयोगमा चारवटै टायर फेरेर सञ्चालनमा ल्याइएको निगमका प्रवक्ता अचर्ना खड्काले जानकारी दिइन् ।

उनका अनुसार थाई एयरवेजको प्राविधिकको सल्लाहमा चारवटै नयाँ टायर राखिएको हो । प्राविधिकको सल्लाह अनुसार निगमले गत २ अप्रिलमा ४ वटा टायर कतार एयरवेजको विमानमार्फत बैंकक पठाएको थियो ।

न्यारोबडी जहाज बैंककमा बिग्रिएपछि रोकिएका १४१ जना यात्रुलाई निगमले ४ अप्रिलमा वाईडबडी विमान मार्फत काठमाडौं ल्याएको थियो । १ अप्रिलमा ग्राउन्डेड बनेको जहाजको मर्मत गरेर ६ अप्रिल काठमाडौं ल्याईएको निगमले जनाएको छ ।

टेक अफका क्रममा टायरमा समस्या देखिएपछि निगमले सो घटनाको अध्ययनका लागि निगमकै गुणस्तर आश्वासन विभागका निर्देशकको संयोजकत्वमा ७ सदस्‍यीय उच्च स्तरीय छानबिन उपसमिति गठन गरिएको निगमले जनाएको छ ।

सम्बन्धित शिषर्कहरु

आइएमई ग्रुपले इन्डोनेसियाको पिटी पिएलएन नुसन्तरासँग ऊर्जा परियोजना विकासमा साझेदारी गर्ने

१० बैंकको लेखापरीक्षण गर्न ५ अडिट कम्पनी छानिए

भारतको फर्चुन होटल्स नेपाल प्रवेश, भक्तपुरमा खुल्याे फर्चुन रिसोर्ट एण्ड वेलनेस स्पा

नागरिक लगानी कोषले सुपर खुदीको सेयर प्रत्याभुति गर्ने

विदेश पठाइदिन्छु भन्दै ४२२ जनालाइ ठगि गर्ने पक्राउ, प्रहरीद्वारा सार्वजनिक

ललितपुरको आनन्दवनमा डढेलो निभाउने क्रममा घाइते भएका दुई जनामध्ये एकको मृत्यु