२०७८ चैत ९ गते १७:०९ विकासन्युज
काठमाडौं । सर्भरमा विद्युतीय समस्या आएपछि यातायात व्यवस्था विभागले सम्पूर्ण सेवाहरु बन्द गरेको छ । विभागले बुधबार एक सूचना जारी गर्दै बिहीबार बिहान ५ बजेसम्मका लागि सबै सेवाहरु बन्द हुने जनााएको हो ।
विभागले यसअघि आज साँझ ५ बजेदेखि अनिश्चितकालका लागि सेवाहरु बन्द रहने जनाएको थियो । पुन सूचना सच्याउँदै गर्दै विभागले बिहीबार बिहान ६ बजेसम्मका लागि सेवाहरु बन्द रहने जनाएको हो ।
यसअघि पटक पटक विभागको सर्भरमा समस्या आउँदा सवारी लाइसेन्सको अनलाईन फर्म देखि लाइसेन्स नवीकरण लगायतका सेवाहरु अवरुद्ध हुँदै आएका छन् ।
विभागले चैत १ गतेदेखि अनिश्चितकालका लागि सवारी लाइसेन्सको अनलाईन आवेदन रोकेको छ ।
Copyright © 2024 Bikash Media Pvt. Ltd.