काठमाडौं । सनराइज बैंकका अध्यक्ष मोतिलाल दुगडले आईएफआईसी बैंकसहितलाई विपक्षी बनाएर दायर गरेको मुद्दामा अदालतले प्रमाण मिसिल झिकाउन आदेश दिएको छ । बुधबार पाटन उच्च अदालतमा हरिप्रसाद भण्डारी र रेखा थापा पाण्डेको संयुक्त इजलासले यस्तो आदेश दिएको हो ।

गत पुस २१ गते दुगड समुहबाट पाटन उच्च अदालतमा बंगलादेशको आईएफआईसी बैंकसहितलाई विपक्षी बनाएर दुईवटा रिट परेको थियो ।

रिट निवेदकले चौधरीसँगको सेयर खरिद विक्रीको सम्झौता खारेज गरी आफूहरुसँग भएको सम्झौता अनुसार सेयर खरिद विक्री हुनुपर्ने माग गरेका छन् ।

नेपाल बंगलादेश (एनबी) बैंकको संस्थापक सेयर खरिद प्रक्रिया विवादमा परेको छ । आईएफआईसीले विक्री गर्न लागेको एनबी बैंकको ४२ प्रतिशत संस्थापक सेयर खरिद गर्न चाहेका नेपाली व्यवसायिक घराना कानुनी लडाइमा जुटेका हुन् ।

आईएफआईसीले विक्री गर्न लागेको एनबी बैंकको ४२ प्रतिशत संस्थापक सेयर खरिद गर्न दुई समुह सक्रिय भएर लागेको थियो । सनराइज बैंक संचालक समिति अध्यक्ष मोतिलाल दुगडको समन्वयमा व्यवसायीहरु शेखर गोल्छा, पशुपति मुरारका सहितको समुहले सेयर खरिदको प्रक्रिया अघि बढाइरहेको भनिएको समयमा अर्का व्यवसायी विनोद चौधरीले सेयर खरिद गरिसकेपछि विवाद अदालतसम्म पुगेको हो ।

सम्बन्धित सामग्री: 

दुगडले चौधरीलाई पुर्‍याए अदालतमा, कसले पाउला एनबी बैंकको ४२ प्रतिशत संस्थापक सेयर ? 

सम्बन्धित शिषर्कहरु

बढी रेमिट्यान्स भित्र्याउने बैंकका रूपमा नेपाल एसबिआई सम्मानित

कामना सेवा विकास बैंकका ग्राहकलाई मुक्तिनाथ पोलिक्लिनिकमा ५० प्रतिशत छुट

किन घट्यो बैंकिङमा आकर्षण ?

सिटिजन्स बैंकद्वारा फातिमा फाउन्डेसन नेपाललाई सिलाई मेसिन प्रदान

ज्योति विकास बैंकले दियो अग्नि पिडित परिवारलाई राहत सामग्री

घरको कोठा र १६ विद्यार्थीबाट सुरु भएको रातो बंगाला : सबैको रोजाइ, देशकै महँगो