जोनशनको प्रायोजनमा बेबि पेजेन्ट शो आयोजना हुँदै
२०७८ चैत ६ गते १६:०९ विकासन्युज
काठमाडौं । जोनशनको मुख्य प्रायोजन तथा एभरेष्ट बैंक र हिमालय हर्बलको सह-प्रायोजनमा एक भब्य बेबि पेजेन्ट शो आयोजना हुने भएको छ ।
३ वर्ष देखि ७ वर्ष सम्मका बालबालिकालाई लक्षित गरी कार्यक्रमको आयोजना तय भएको छ । जारी प्रेस विज्ञप्ति अनुसार प्रतिस्पर्धामा ३ वर्षदेखि साढे ४ वर्षका बालबालिका ‘र्याप वाक विथ मदर’ इभेन्टमा सहभागी हुन सक्नेछन् । त्यस्तै साढे चार वर्षदेखि ७ वर्षभन्दा मुनिका बालबालिकाहरू ‘र्याप वाक’ मा सहभागी हुन सक्नेछन् ।
बेबि पेजेन्ट शोमा भाग लिनेले यही चैत ११ गतेभित्र सम्पर्क गर्नुपर्छ भने विभिन्न चरण पार गर्दै चैत २६ गते फाइनल प्रतिस्पर्धा हुनेछ ।
दुवै इभेन्टमा प्रथम, द्धितीय र तृतीय हुनेले क्रमश: ५०, २५ र १५ हजार रुपैयाँ पुरस्कार पाउनेछन् । उक्त प्रतियोगिताले बालबालिकामा रहेको सोचाइ अनुभूति र प्रतिभालाई प्रस्फुटन गराउन प्रेरित गर्ने अपेक्षा गरिएको आयोजकले जनाएको छ ।
सम्बन्धित शिषर्कहरु
Copyright © 2024 Bikash Media Pvt. Ltd.