कनेक्ट आइपिएस मार्फत ६ महिनामा साढे २ खर्बको कारोबार
२०७८ माघ २६ गते १६:५६ विकासन्युज
काठमाडौं । चालु आर्थिक वर्ष २०७८/०७९ को पहिलो ६ महिनामा कनेक्ट आइपिएसको कारोबारमा उल्लेख्य बृद्धि भएको छ ।
नेपाल राष्ट्र बैंकले सार्वजनिक गरेको चालु आर्थिक वर्षको छ महिनाको (गत साउनदेखि पुससम्म) वर्तमान आर्थिक तथा वित्तीय स्थिति प्रतिवेदनअनुसार २०७८ अनुसार कनेक्ट आईपिएस मार्फत २ खर्ब ४७ अर्ब ४७ करोड रुपैयाँ बराबरको कारोबार भएको छ ।
गत मंसिर महिनासम्म २ खर्ब २८ अर्ब ४५ करोड ४० लाख रुपैयाँ बराबरको कारोबार भएको थियो । पछिल्लो समय कनेक्ट आईपीएस मार्फत हुने कारोबारको रकममा बृद्धि हुन थालेको छ ।
पुस महिनामा कनेक्ट आईपिएस सँगै क्यूआर कोड, डिजिटल वालेट, मोबाइल बैंकिङ, इन्टरनेट बैंकिङ लगायत विद्युतीय माध्यमबाट हुने कारोबार रकममा बृद्धि भएको छ ।
पुसमहिनासम्म क्यूआर कोर्ड मार्फत ६ अर्ब ५२ करोड ५० लाख, डिजिटल वालेटमार्फत १६ अर्ब २७ करोड ६० लाख, मोबाइल बैैंकिङ मार्फत, ९४ अर्ब ४० करोड ९० लाख र इन्टरनेट बैंकिङ मार्फत १३ अर्ब ४९ करोड ६० लाख बराबरको कारोबार भएको छ ।
मंसिर महिनासम्म क्यूआर कोड मार्फत ६ अर्ब २८ करोड २२ लाख, डिजिटल वालेटमार्फत १५ अर्ब ५२ करोड ७६ लाख, मोबाइल बैंकिङ मार्फत ८८ अर्ब ५३ करोड १४ लाख, र इन्टरनेट बैंकिङ मार्फत १२ अर्ब ७३ करोड ४९ लाख रुपैयाँको कारोबार भएको थियो ।
सम्बन्धित शिषर्कहरु
लोकप्रिय
- राष्ट्रिय बीमा कम्पनीको सञ्चालकमा नेपाल बैंकका अधिकारी
- दुई दशकको बैंकिङ अनुभवमा अहिले सबैभन्दा ‘टफ टाइम’ महसुस गरेँ : सीईओ पन्त
- ५९० मेगावाटका जलविद्युत आयोजनामा सिटिजन्स बैंकको लगानी, १३ वटा प्रोजेक्टमा नेतृत्व
- विकास बैंकका सूचक खस्किए, वितरणयोग्य नाफा ध्वस्त
- खराब कर्जाका कारण बैंकहरूको नाफा साढे १३ प्रतिशत घट्यो, कुन बैंकको कति ?
फेसबुक
Copyright © 2024 Bikash Media Pvt. Ltd.