२०७८ पुष २७ गते १०:०५ विकासन्युज
काठमाडौं । मंगलबार नेशनल माइक्रोफाइनान्स लघुवित्त वित्तीय संस्थाको सेयर मूल्य समायोजन भएको छ । संस्थाको ४० प्रतिशत बोनस सेयरको लागि मूल्य समायोजन भएको हो ।
यससँगै संस्थाको समायोजित मूल्य प्रतिकित्ता २६१४.२९ रुपैयाँ कायम भएको छ । जुन सोमबारको कारोबारको तुलनामा प्रतिकित्ता १०४५.७१ रुपैयाँले घटी हो । पुस २६ गते सोमबार संस्थाको अन्तिम कारोबार प्रतिकित्ता ३६६० रुपैयाँमा भएको थियो ।
मूल्य समायोजनसँगै पुस २६ गतेसम्म कायम सेयरधनीले मात्रै प्रस्तावित गत वर्षको लाभांश पाउने छन् । अब पुस २७ गतेदेखि संस्थाको सेयर किन्नेले भने गत वर्षको लाभांश पाउँदैनन् ।
Copyright © 2024 Bikash Media Pvt. Ltd.
