अब वर्ल्डलिंकका ग्राहकलाई न्यूनतम १५० एमबीपीएसको इन्टरनेट सुविधा
२०७८ मंसिर २९ गते १७:२५ विकासन्युज
काठमाडौं । इन्टरनेट सेवा प्रदायक कम्पनी वर्ल्डलिंकले अब सेवाग्राहीलाई न्यूनतम १५० एमबीपीएस गतिको इन्टरनेट सुविधा प्रदान गर्ने भएको छ । कम्पनीले हाल २०र३० एमबीपीएसको गति भएको इन्टरनेटलाई १५० मा स्तरोन्नती गरेर सेवा दिने भएको हो ।
इन्टरनेटको गति बढाएपनि सेवाग्राहीहरुले शुल्क पनि अतिरिक्त तिर्नु पर्दैन । घरायसी उपभोक्ता अब वार्षिक १४ हजार ४ सय रुपैयाँमा अर्थात मासिक एक हजार दुई सय रुपैयाँमा १५० एमबिपिएस गतिको इन्टरनेट प्रयोग गर्न पाउनेछन् ।
कम्पनीका अनुसार १५० एमबीपीएस सहित २२५ एमबीपीएस र ३ सय एमबीपीएस गतिको इन्टरनेट पनि पहिलाको भन्दा कम मूल्यमा उपभोग गर्न पाइने छ ।
वर्ल्डलिंकका हालका प्रयोगकर्ताले नयाँ योजनामा सहजै सहभागी हुन सक्ने छन् । कम्पनीको अनुसार यसको लागि डुअल ब्याण्ड भएको राउटर मात्रै आवश्यक पर्नेछ । यस्तै, कम्पनीले नेपालमै पहिलोपटक ६ सय एमबीपीएस गतिको इन्टरनेट भित्र्याएको छ ।
यसगरी कम्पनीले विश्वका ८ हजारभन्दा अग्ला १४ वटा हिमाल ६ महिनामै चढेका निर्मल पुर्जालई सद्भावना दुतमा नियुक्त गरेको छ । पुर्जाको हिमाल आराेहण सम्बन्धी कथामा आधारित तयार पारिएको वृतचित्र ‘फोर्टिन पिक्सस: नथिङ इज इमपसिबल’ केही साता मात्रै नेटफ्लिक्समा सार्वजनिक भएको छ ।
नोभेम्बर ३० मा सार्वजनिक भएको उक्त वृत्तचित्र सार्वधिक लोकप्रियमा पनि परिसकेको छ ।
सम्बन्धित शिषर्कहरु
Copyright © 2024 Bikash Media Pvt. Ltd.