२०७८ मंसिर २८ गते १६:५८ विकासन्युज
काठमाडौं । मेगा बैंकको बाउन्स चेक काट्ने ललितपुरका अमर महर्जन पक्राउ परेका छन् । ललितपुर महानगर पालिका वडा नं. २१ बस्ने ४२ वर्षका महर्जनलाई प्रहरीले पक्राउ गरेको हो ।
उनले आफ्नो खातामा पर्याप्त मौज्दात रकम नभएको भन्ने जानी-जानी जाहेरवालालाई झुक्यानमा पारी मेगा बैंकको चेक काटी दिई बैंकिङ् कसूरजन्य अपराध गरेको ठहर गर्दै महर्जनलाई उच्च अदालत पाटनले गत असोज ८ गते बैंकिङ कसुरको सजाय तोकेको थियो ।
उनलाई बैंकिङ् कसूर तथा सजाय ऐन २०६४ बमोजिम ४ दिन कैद र ४५ लाख ५० हजार रुपैयाँ जरिवाना ठहर भएको थियो । तर, उनी फरार थिए । उनलाई केन्द्रीय अनुसन्धान ब्यूरोबाट फैसला कार्यान्वयन तथा फरार प्रतिवादीहरुको खोजतलास एवं पक्राउको लागी परिचालित टोलीले निज प्रतिबादीलाई काठमाडौंको शंखमुलबाट पक्राउ गरी फैसला कार्यान्वयनको लागि ललितपुर जिल्ला अदालतमा पेश गरिएको हो ।
यससँगै उनलाई अब ४५ लाख ५० हजार रुपैयाँ जरिवाना र ४ दिन जेलमा राखिनेछ ।
Copyright © 2024 Bikash Media Pvt. Ltd.