काठमाडौं । एक विकास बैंकका शाखा प्रबन्धक (म्यानेजर) ले आफ्नो बैंकको भल्टमा रहेको रकम निकालेर मिटर व्याजमा लगानी गर्ने गरेको पाइएको छ ।

सिन्धु विकास बैंकको काभ्रेको दोलालघाट शाखाका म्यानेजरले बैंकको भल्टमा रहेको रकमबाट निजी प्रयोजनका लागि मिटर व्याजमा लगानी गर्ने गरेको पाइएको हो । तोकिएको भन्दा बढी व्याजमा लिने गरी अबैधानिक रुपमा सापटी दिने कार्य नै मिटर व्याजमा लगानी हो ।

दोलालघाट शाखाका म्यानेजर सुमन खरेलले बैंकको भल्टबाट रकम निकालेर मिटर व्याजमा लगानी गर्ने गरेको पाइएको नेपाल प्रहरीको केन्द्रीय अनुसन्धान व्युरो (सीआईबी) ले जानकारी दिएको छ ।

खरेललाई सीआईबीले गत कात्तिक ९ गते पक्राउ गरेको थियो । उनी काभ्रेकै भुल्लु गाउँपालिका–९ का वासिन्दा हुन् । उनलाई सुरुमा प्रहरीले सिन्धु विकास बैंकको दोलालघाट शाखाको रकम एनसीसी बैंकको बाह्रबिसेमा रहेको शाखामा जम्मा गर्न लैजान्छु भनेर लगेको तर जम्मा नगरेको अभियोगमा पक्राउ गरेको थियो ।

पक्राउ परेको समयमा खरेलले निक्षेपकर्ताको १ करोड ८० लाख रुपैयाँ हिनामिना गरेको उजुरका आधारमा बैंकिङ कसुर कसुर अन्तरगत पक्राउ गरेको थियो । यसरी पक्राउ परेका खरेललाई सीआईबीले पाटन उच्च अदालतबाट म्याद थप पनि गरिसकेको छ ।

प्रहरीले थप अनुसन्धान गर्दै जादा खरेलसहित ५ जना मिलेर बैंकको भल्टमा राखिएको पैसा मिटर व्याजमा लगाउने गरेको पाइएको जानकारी दिएको छ । उनको टोलीले बैंकको भल्टमा राखेको २ करोड ४७ लाख रुपैयाँ यसरी हिनामिना गरेको पाइएको सीआईबी स्रोतले जानकारी दियो ।

खरेलको टीमले कहिलेदेखि यस्तो कार्य गर्दै आएको थियो र अहिलेसम्म कति रकम यसरी मिटर व्याजमा लगानी गरिसकेको छ भन्ने बारेमा अनुसन्धान भइरहेको सीआईबीको भनाई छ ।

कसरी पत्ता लाग्यो ?

सामान्यतः बैंकले दैनिक रुपमा कति मानिस चेक मार्फत आफ्नो बैंकमा रकम निकाल्न आउँछन् र कति रकम निक्षेपको रुपमा आउँछ भन्ने पहिलाको तथ्यांकका आधारमा आफ्नै भल्टमा रकम राख्ने गर्छ । निक्षेपका रुपमा आउने रकमले चेकमार्फत रकम झिक्न आउने ग्राहकलाई फिर्ता दिन नपुग भएमा भल्टमा राखिएको रकम प्रयोग हुन्छ ।

यस्तै, हिसाव गरेर सिन्धु विकास बैंकले दोलालघाट शाखाको भल्टमा यति रकम छ भन्ने हिसावले नगद व्यवस्थापन गरेको थियो । अर्थात बैंकको भल्टमा भएको रकम अंकमा मात्रै हेरिने हुँदा सो शाखामा यति रकम छ भनेर बैंक व्यवस्थापन ढुक्क थियो ।

तर, गत दशैंमा निक्षेप झिक्न आउने ग्राहकलाई दिन रकम पुगेन । बैंकको केन्द्रीय र प्रादेशिक कार्यालयबाट हेर्दा रकम देखिने तर, बैंकको शाखामा नगद नहुने भएपछि के भयो भनेर सोधिखोजी हुन थाल्यो । यस्तैमा बैंकको भल्टमा छ भनिएको रकम नभएको खुलासा भएको थियो । त्यसपछि मात्रै तत्कालिन शाखा प्रबन्धक खरेलले गरेको गलत कार्य खुलेको थियो ।

सम्बन्धित शिषर्कहरु

छोरीहरूलाई कसरी उद्यमी बनाउन सकिन्छ भन्नेबारे सोचिरहेको छु : अर्थमन्त्री पुन

भारतले मागेजति विद्युत नदिँदा नेपाली उद्योगमा लोडसेडिङ भयो : अर्थमन्त्री पुन

अशोक राई नेतृत्वको जसपा निर्वाचन आयोगमा दर्ता

सर्वोच्चद्धारा विज्ञापन नियमावली खारेज गर्न अस्विकार

धनगढी उपमहानगरद्वारा २३ करोड राजस्व संकलन

राष्ट्रिय प्रतिरक्षा विश्वविद्यालय पूर्वाधार विकास समितिको म्याद एक वर्ष थप्ने निर्णय