२०७८ कार्तिक १५ गते १६:५२ विकासन्युज
काठमाडौं । नेपाल बैंकर्स संघका अध्यक्ष भुवन दाहालले कर्जा प्रवाह अत्याधिक भएकोले अब सोच्नु पर्ने बेला आएको बताएका छन् ।
नेपाल आर्थिक पत्रकार समाज (सेजन)ले आयोजना गरेको ‘गहिरिँदो तरलता अभावः कारण र समाधान’ विषयक कार्यक्रममा बोल्दै उनले कर्जा लगानी अत्याधिक भएकोले यसलाई व्यवस्थित गर्न आवश्यक भएको बताएका हुन् ।
उनले चालु आर्थिक वर्षको तीन महिनामा ३ खर्ब ४७ अर्ब कर्जा प्रवाह भएको र निक्षेप ७० अर्ब रुपैयाँ मात्रै भएको बताउँदै यसलाई व्यवस्थित बनाउनु पर्ने धारणा राखे ।
चालु आर्थिक वर्षको ३ महिनाको अवधिमा निक्षेप संकलमा कमी हुँदै गएकाले बैंकिङ क्षेत्रमा तरलता अभाव भएको पनि दाहालले बताए ।
Copyright © 2024 Bikash Media Pvt. Ltd.