काठमाडौं । नेपाल बैंकले चालु आर्थिक वर्षको पहिलो त्रैमासमा ३७ करोड २९ लाख रुपैयाँ बराबरको नाफा गरेको छ । जुन गत वर्षको तुलनामा करिब ८६ प्रतिशतले बढी हो ।

बैंकले गत आर्थिक वर्षको पहिलो त्रैमाससम्ममा २० करोड ५ लाख रुपैयाँ मात्रै नाफा गरेको थियो ।

समीक्षा अवधिमा बैंकको सञ्चालन नाफा पनि ८६.३५ प्रतिशतले बढेर ५३ करोड १९ लाख रुपैयाँ पुगेको छ । त्यस्तै, खुद ब्याज आम्दानी ४१.२५ प्रतिशतले बढेर ८४ करोड ५४ लाख रुपैयाँ नाघेको छ ।

त्यसैगरी बैंकको वितरणयोग्य नाफा बढेर ९४ करोड १ लाख रुपैयाँ पुगेको छ । समीक्षा अवधिमा बैंकको प्रतिसेयर आम्दानी ६.७६ प्रतिशतले बढेर १५.७१ रुपैयाँ पुगेको छ । जुन गत वर्षको असोज मसान्तसम्मको तुलनामा ८.९५ प्रतिशतले बढी हो ।

त्यस्तै, प्रतिसेयर नेटवर्थ र पीई रेसियो भने घटेर क्रमशः १६६.५६ रुपैयाँ र २२.२७ गुणामा सीमित भएको छ ।

हाल बैंकका चुक्ता पुँजी ९ अर्ब ४९ करोड रुपैयाँ रहेको छ । समीक्षा अवधिमा जगेडा कोषको रकम ३४९.४५ प्रतिशतले बढेर ६ अर्ब ३१ करोड रुपैयाँ पुगेको छ । यो अवधिसम्ममा एक खर्ब ८ अर्ब रुपैयाँ निक्षेप संकलन गरेको बैंकले एक खर्ब ५ अर्ब रुपैयाँ कर्जा लगानी गरेको छ । जुन गत वर्षको तुलनामा क्रमशः २.३७ र ८.५२ प्रतिशतले बढी हो । त्यस्तै, बैंकको सीडी रेसियो र निष्क्रिय कर्जा भने स्थिर रहेको छ । गत वर्ष क्रमशः ७८.७ प्रतिशत र ०.२५ प्रतिशत रहेको बैंकको सीडी रेसियो र निष्क्रिय कर्जा यो वर्ष पनि सोही रहेको छ ।

सम्बन्धित शिषर्कहरु

सहकारीमा सुशासन कायम गर्न लेखा समितिको गोष्ठी गर्दै नेफ्स्कून

लगानी सम्मेलन : मुलुकको समृद्धिमा राजनीतिक ऐक्यबद्धताको सन्देश

४ कम्पनीको १ करोड बढीको संस्थापक सेयर कारोबार

मर्स्याङ्दी-काठमाडौं र मातातीर्थ २२० केभी सबस्टेसनको उद्घाटन (फोटोफिचर)

नवनियुक्त शिक्षकको दुःखेसो : आयोग पास गरेर पनि पढाउने विद्यालय पाएनौँ

कानुन संशोधन लगानी वातावरण सुधारप्रतिको हाम्रो प्रतिबद्धताको प्रमाण हो : अर्थमन्त्री