काठमाडौं । नेपाल इन्भेष्टमेन्ट बैंकले प्रस्ताव गरेको लाभांश परिमार्जन गरेको छ । बैंकले नेपाल राष्ट्र बैंकको निर्देशन बमोजिम प्रस्तावित १६ प्रतिशत लाभांशलाई परिमार्जन गरेको हो ।

बैंकको निर्देशन बमोजिम कम्पनीले कूल लाभांश १६ प्रतिशत नै हुने गरी बोनस र नगदमा परिमार्जन गरेको हो । यससँगै बैंकले आर्थिक वर्ष २०७७/७८ को नाफाबाट सेयरधनीलाई चुक्ता पुँजीको १२.६११ प्रतिशत बोनस र ३.३८९ प्रतिशत नगद गरी कूल १६ प्रतिशत लाभांश प्रस्ताव गरेको छ ।

कार्त्तिक २ गते बसेको बैंक सञ्चालक समितिको बैठकले उक्त निणर्य गरेको हो । यसअघि बैंकले चुक्ता पुँजीको ११.२४ प्रतिशत बोनस र ४.७६ को नगद गरी १६ प्रतिशत लाभांश प्रस्ताव गरेको थियो ।

परिमार्जित प्रस्तावित लाभांशलाई नेपाल राष्ट्र बैंकले स्वीकृत तथा संस्थाको आगामी वार्षिक साधारणसभाले पारित गर्नुपर्ने छ ।

हाल बैंकको चुक्ता पुँजी १६ अर्ब २५ करोड रुपैयाँ रहेको छ । १२.६११ प्रतिशत बोनसपछि बैंकको चुक्ता पुँजी १८ अर्ब २९ करोड रुपैयाँ नाघ्ने छ ।

सम्बन्धित शिषर्कहरु

कान्तिपुर मिडियाका अध्यक्ष सिरोहिया पक्राउ

ज्योति विकास बैंकले दियो ५ स्वास्थ्य चौकीलाई बेबी वार्मर

महालक्ष्मी विकास बैंकद्वारा जेहेन्दार छात्रवृत्ति वितरण

नेपाल एसबिआई नयाँ लक्ष्य र संकल्प पूरा गर्न नेतृत्व समूहको खोजीमा

टीकापुरको जग्गा ५० हजार रुपैयाँमा किनेको हुँ : आरजु राणा

सञ्चारमन्त्री रेखासँग सहकारीमा २० लाख बचत, कीर्तिपुरमा घर