काठमाडौं । सिभिल लघुवित्त वित्तीय संस्थाले गत आर्थिक वर्षको लाभांश घोषणा गरेको छ । बैंकले आर्थिक वर्ष २०७७/७८ को नाफाबाट सेयरधनीलाई २० प्रतिशत लाभांश वितरण गर्ने घोषणा गरेको हो ।

असोज १३ गते बसेको संस्थाको सञ्चालक समितिको बैठकले सेयरधनीलाई चुक्ता पुँजीको १९ प्रतिशत बोनस र कर प्रयोजनको लागि १ प्रतिशत नगद लाभांश वितरण गर्ने प्रस्ताव गरेको हो । उक्त प्रस्तावलाई नेपाल राष्ट्र बैंकले स्वीकृत तथा संस्थाको आगामी साधारणसभाले पारित गर्नुपर्ने छ ।

हाल संस्थाको चुक्ता पुँजी २४ करोड २१ लाख रुपैयाँ रहेको छ । १९ प्रतिशत बोनस सेयर पछि संस्थाको चुक्ता पुँजी २८ करोड ८१ लाख रुपैयाँ पुग्ने छ ।

प्रस्तावित २० प्रतिशत लाभांश ५ वर्षयताकै उच्च हो । संस्थाले आर्थिक वर्ष २०७२/७३ देखि आर्थिक वर्ष २०७६/७७ सम्ममा १० प्रतिशतभन्दा बढी लाभांश वितरण गरेको छैन । यो अवधिमा संस्थाले सेयरधनीलाई प्रतिवर्ष क्रमशः ५.२६, ४.७३, ७.८९, १० र ३.६८ प्रतिशत लाभांश दिएको थियो ।

सम्बन्धित शिषर्कहरु

आइएमई ग्रुपले इन्डोनेसियाको पिटी पिएलएन नुसन्तरासँग ऊर्जा परियोजना विकासमा साझेदारी गर्ने

१० बैंकको लेखापरीक्षण गर्न ५ अडिट कम्पनी छानिए

बीमा दाबी भुक्तानी छिटोछरितो बनाउनुपर्ने

एभरेष्ट बैंकद्वारा पकडी कपिलवस्तुमा चौथो एक्स्टेन्सन काउन्टर उद्घाटन

नागरिक लगानी कोषले सुपर खुदीको सेयर प्रत्याभुति गर्ने

विदेश पठाइदिन्छु भन्दै ४२२ जनालाइ ठगि गर्ने पक्राउ, प्रहरीद्वारा सार्वजनिक