२०७८ भदौ २१ गते १३:१० विकासन्युज
काठमाडौं । शेयर बजारमा देखिएको पछिल्लो परिस्थितिका सम्बन्धमा अर्थ मन्त्रालयको ध्यानाकर्षण भएको छ ।
राष्ट्र बैंकद्वारा जारी मौद्रिक नीति र निर्देशिकापछि पुँजी बजारमा देखिएको स्थितिका सम्बन्धमा अर्थमन्त्री जनार्दन शर्माले सोमवार गभर्नर महाप्रसाद अधिकारीसँग टेलिफोन कुराकानी गरेका छन् ।
कुराकानीका क्रममा अर्थमन्त्री शर्माले पुँजी बजारमा देखिएको पछिल्लो परिस्थितिलाई सहज बनाउन आग्रह गरेका छन् ।
उनले कहाँ के सुधार गर्नुपर्ने हो त्यो गरेर पुँजी बजारको समस्या समाधान गर्न गभर्नरलाई भनेका छन् ।
जवाफमा गभर्नर अधिकारीले आवश्यक प्रक्रिया मिलाई परिस्थिति सहज बनाउन प्रयास गर्ने प्रतिवद्धता जनाएका छन् ।
Copyright © 2024 Bikash Media Pvt. Ltd.
सेयर बजारको तालुकदार निकाय भनेको धितोपत्र बोर्ड र नेप्से हो , जुन अहिले खाली छन् र पहिलेका हाकिमहरुको गोरख धन्दा सबैले देखेको सुनेको हो। त्येस्करण तालुकदार निकायमा सहि व्यक्ति नियुक्ति गरेर पुंजी बजार बिकाशका लागि आबस्यक कदम चाल्न समस्त ४० लाख लगानीकर्ताको तर्फ़बाट अर्थमन्त्री ज्युलाई अनुरोध।
मेराे पनि समर्थन छ ।