२०७८ वैशाख २९ गते १२:१८ विकासन्युज
काठमाडौं । सरकारले कोरोना भाइरस संक्रमणलाई ध्यानमा राख्दै नियमित रुपमा हुदैँ आएका अन्तर्राष्ट्रिय उडानमा प्रतिबन्ध लगाएपनि त्रिभुवन अन्तर्राष्ट्रिय विमानस्थलबाट चार्टर तथा कार्गाे उडान हुँदै आएका छन् ।
चार्टर र कार्गाे उडान स्वरुप बुधबार चार वटा वायुसेवा कम्पनीले १० वटा अन्तर्राष्ट्रिय उडान गर्दैछन् । त्रिभुवन अन्तराष्ट्रिय विमानस्थल कार्यालयको तथ्यांक अनुसार चार वटा कार्गाे, एक/एक ट्रेनिङ उडान र एयर बबल अन्तरगत भारतको नयाँदिल्ली उडान रहेका छन् ।
जसमा एयर चाइनाको छेङदु–काठमाडौं कार्गाे उडान बिहान ८ः३० बज अवतरण भइसकेको छ । उक्त कार्गाे उडान साँझ ६ः३५ बजे छेङदुका लागि उडान भर्नेछ ।
यस्तैगरी, सिचुआन एयरलाइन्सको कार्गाे उडान बिहान १०ः३५ विमानस्थलमा अवतरण भएको छ । उक्त उडान साँझ ७ः१५ बजे छेङदुका लागि उडान भर्नेछ ।
हिमालय एयरलाइन्सको ट्रेनिङ उडान बिहान ११ बजे र ११ः५ बजे एयर बबल अन्तरगत भारतको नयाँ दिल्लीमा नेपाल वायुसेवा निगमले उडान गरिसकेका छन् । निगमको उक्र उडान दिउँसो ३ः१५ मा काठमाडौँ फिर्ता हुनेछ ।
यसअघि मंगलबार पाँच वटा वायुसेवा कम्पनीले ९ वटा उडान भएका थिए । जसमा तीनवटा कार्गो, दुईवटा चार्टर र एउटा एयर एम्बुलेन्स उडान भएका थिए ।
सरकारले कोरोना संक्रमण नियन्त्रणलाई ध्यानमा राख्दै गत बैशाख २३ गते मध्येरातीदेखि अन्तर्राष्ट्रिय उडान बन्द गरेको थियो । उक्त उडान आगामी जेठ १७ गतेसम्मका लागि बन्द गरिएको छ ।
Copyright © 2024 Bikash Media Pvt. Ltd.