काेराेना संक्रमण बढेपछि लालबन्दी नगरपालिकाका सबै विद्यालय बन्द
२०७८ वैशाख १६ गते १३:५९ विकासन्युज
काठमाडौं । प्रदेश २ को सर्लाही जिल्लामा पर्ने लालबन्दी नगरपालिकाले कोरोना संक्रमण दर बढ्न थालेपछि पालिकाभित्रका सबै पठनपाठन स्थगित गरेको छ । पालिकाले सोमबार एक सूचना जारी गर्दै १४ गते मंगलबारबाट विद्यालयहरू बन्द गर्न निर्देशन दिएको हाे
अर्काे सूचना जारी नभएसम्म वैकल्पिक माध्यमबाट पठनपाठन गराउनको लागि विद्यालयहरूलाई पालिकाले निर्देशन दिएको छ ।
पछिल्लो समयमा संक्रमण तीव्र रुपमा बढेर गुणात्मक रूपमै उकालो लागेकाले विद्यार्थीहरुमा संक्रमण बढ्ने जोखिम उच्च भएको कारण विद्यालयहरू बन्द गरेको नगरपालिकाका सूचना प्रविधि अधिकृत सुदर्शन श्रेष्ठले जानकारी दिए । हाल पलिकाको सबैभन्दा बढि असर शैक्षिक क्षेत्रमा पुर्याएको पनि श्रेष्ठले बताए ।
नागरिकहरूले स्वास्थ्य मापदण्ड अप्नाई भिडभाड कम गर्न पनि नगरपालिकाले अपिल गरेको छ । पालिकाले स्वास्थ्यकर्मीहरूलाई पनि अनावश्यक बिदामा नबस्नको लागि आग्रह गरेको छ ।
सम्बन्धित शिषर्कहरु
Copyright © 2024 Bikash Media Pvt. Ltd.