एजेन्सी । फेसबुकले बेलायतमा फेसबुक न्युज लञ्च गरेको छ । अमेरिकापछि फेसबुकले बेलायतमा नयाँ फिचर सुरू गरेको हो । फेसबुक न्युजमा स्थानीय, राष्ट्रिय, अन्तर्राष्ट्रिय र बिभिन्न सयौं मिडिया हाउसका समाचारहरू पढ्न सकिनेछ ।

बेलायति मिडिया द गार्डियन, द इकोनोमिस्ट, द इन्डिपेन्डेन्ट, स्काइ न्युज, डेली मेल ग्रुप, फाइनान्सियल टाइम्स  जस्ता प्रतिष्ठित मिडिया हाउससँग फेसबुकले सम्झौता गरेको छ । फेसबुकले एन्ड्रोइड र आइओएस दुबै भर्सनमा यो सेवा उपलब्ध गराएको छ । फेसबुक न्युजमा अन्य मिडियाका समाचार प्रयोग गरेबापत मिडिया कम्पनीहरूलाई फेसबुकले पैसा तिर्नेछ । फेसबुकले अमेरिकापछि अन्तर्राष्ट्रिय बजारमा पहिलो पटक लञ्च गरेको हो ।

अमेरिकाका केही क्षेत्रमा सन् २०१९ मा फेसबुकले यस्तो सेवा दिएको थियो । त्यसको एक वर्षपछि अमेरिकाभर फेसबुक न्युजको सेवा सञ्चालन गरेको थियो । यो सेवाका कारण पहिलेको भन्दा पाठक, दर्शकको संख्या बढेको अमेरिकी मिडियाको तथ्यांक छ ।

सम्बन्धित शिषर्कहरु

उच्च गतिको विद्युत प्रवाह हुँदा ६० घरमा क्षति

सन नेपाल लाइफले डाक्यो ७औं वार्षिक साधारण सभा, यस्ता छन् मुख्य एजेन्डा

भारत छाड्ने ह्वाट्सएपको धम्कीले जुकरबर्ग चर्चामा

‘विश्वको सबैभन्दा ठूलो’ विमानस्थल टर्मिनलको निर्माण थालेको दुबईको घोषणा

विद्यार्थी बोक्ने गाडीको गति निर्धारण गर्न गृहको पत्राचार

लगानी सम्मेलनले देशमा दिगो लगानी बढाउन मद्दत गर्छ : हाना सिङ्गर