काठमाडौं । कामना सेवा विकास बैंकले गत आर्थिक वर्षको लाभांश घोषणा गरेको छ । विकास बैंकले आर्थिक वर्ष २०७६/७७ को नाफाबाट सेयरधनीलाई ४.६३ प्रतिशत लाभांश वितरण गर्ने घोषणा गरेको हो ।

गत पुस ३ गते बसेको कम्पनी सञ्चालक समितिको बैठकले सेयरधनीलाई चुक्ता पुँजीको ४.४० प्रतिशत बोनस र कर प्रयोजनको लागि ०.२३ प्रतिशत नगद गरी ४.६३ प्रतिशत लाभांश वितरण गर्ने प्रस्ताव गरेको हो ।

उक्त प्रस्तावलाई नेपाल राष्ट्र बैंकले स्वीकृत र बैंकको आगामी वार्षिक साधारणसभाले पारित गरेपछि मात्रै सेयरधनीले उक्त लाभांश पाउने छन् ।

हाल बैंकको चुक्ता पुँजी २ अर्ब ५४ करोड रुपैयाँ रहेको छ । ४.४० प्रतिशत बोनस पछि बैंकको चुक्ता पुँजी २ अर्ब ६५ करोड रुपैयाँ नाघ्ने छ ।

अघिल्लो वर्ष नगद लाभांश मात्रै वितरण गरेको विकास बैंकले अहिले बोनस सेयरको प्रस्ताव गरेको छ । बैंकले अघिल्लो आवको नाफाबाट सेयरधनीलाई ६.८ प्रतिशत नगद लाभांश मात्रै वितरण गरेको थियो ।

सम्बन्धित शिषर्कहरु

नेपाल बीमा प्राधिकरणको प्रवक्ताको जिम्मेवारी सुवेदीलाई

बजेटको आकार स्रोत अनुमान समितिले दिएको नयाँ सिलिङभित्र नै छ : गभर्नर अधिकारी

नयाँ बजेट कार्यान्वयन भएसँगै आर्थिक सुधारले गति लिनेछ : प्रधानमन्त्री

कोशी प्रदेशको बेरुजु १ अर्ब ३१ करोड

बजेट पछिको पहिलो कारोबारमा २३.८१ अंकले घट्यो नेप्से

गण्डकीको मुख्यमन्त्रीमा पाण्डे नियुक्त