काठमाडौं । नेपाल राष्ट्र बैंकले उपदान तथा पेन्सन कोषमा रहेको रकमलाई लगानी गर्नको लागि सूचना जारी गरेको छ । बैंकले शुक्रबार सूचना जारी गर्दै राष्ट्र बैंकबाट अनुमति प्राप्त बैंक तथा वित्तीय संस्थाहरुले विभिन्न सर्तहरु पूरा गरेर सो रकम लिन सक्ने जनाएकाे हो ।

राष्ट्र बैंकले बैंक तथा वित्तीय संस्थाहरुले लिन चाहेको रकम तथा उक्त रकमका लागि प्रस्ताव गरिएको व्याजदर समेत बैंकले तोकेको सिलबन्दी प्रस्ताव सम्बन्धि फारम भरी कुल लगानी योग्य रकममध्ये असोज १ गतेदेखि २०७८ असार २० सम्म २ सय २९१ दिनकामे मुद्धती निक्षेपको रुपमा लिन चाहेको रकम खोली भदौ २३ गतेसम्म बुझाउनु पर्ने बताएको छ ।

राष्ट्र बैंकले वाणिज्य बैंकहरुका लागि १ अर्ब २० करोड, विकास बैंकहरुका लागि २२ करोड ५० लाख रुपैयाँ र ग वर्गका राष्ट्रिय स्तरका वित्त कम्पनीहरुका लागि ७ करोड ५० लाख रुपैयाँ लगानीका लागि आह्वान गरेको हो ।

राष्ट्र बैंकले त्यसका लागि विभिन्न सर्तहरु राखेको छ । बैंक तथा वित्तीय संस्था सञ्चालनमा आएको कम्तिमा दुई वर्ष पूरा गरेको, बैंकबाट तोकिएको न्यूनतम पूँजीकोष कायम रहेको, निष्कृयकर्जा कुल कर्जा सापटीको ५ प्रतिशत भन्दा कम रहेको हुनु पर्ने लगायतका सर्तहरु रहेका छन् ।

सम्बन्धित शिषर्कहरु

सरकारले नयाँ चरणको आर्थिक सुधार कार्यक्रममा विशेष ध्यान दिनुपर्छ : डा. स्वर्णिम वाग्ले

समानीकरण अनुदानको रकम असार १० गतेसम्म निकासा नगरे सिंहदरबार घेर्ने चेतावनी

कालीकोटको मान्मामा प्रभु बैंकको ३०५ औं शाखा सञ्चालनमा

मनकामना केबलकार ५० दिन बन्द हुने

पशुपति क्षेत्र विकास कोषले तिलगंगाका घरटहरा हटाउने

अर्थमन्त्रीले केही व्यापारीको इन्ट्रेस्टमा बजेट बनाए : डा. अमरेशकुमार सिंह