२०७७ असार १६ गते १४:०७ विकासन्युज
काठमाडाैं । दाङको शान्तिनगर गाउँपालिकाका नम्बर २ का वडाध्यक्षमाथि कार्यालयमै कुटपिट भएकाे छ ।
मंगलबार बिहान साढे ११ बजे वडा नम्बर २ का वडाध्यक्ष फर्साराम डाँगीमाथि अज्ञात समूहले रड र लाठी प्रहार गरेर फरार भएको गाउँपालिका अध्यक्ष कमानसिंह डाँगीले बताएका छन् ।
हाल उनकाे तुलसीपुरस्थित राप्ती प्रदेशिक अस्पतालमा उपचारका लागि लगिएको गाउँपालिकाका अध्यक्ष डाँगीले भने । १० जना जति समूहले कार्यालयमा प्रवेश गरी आक्रमण गरेको उनले जानकारी दिए ।
फर्साराम डाँगी नेपाली कांग्रेसबाट निर्वाचित वडाध्यक्ष हुन् । कस्ले किन यस्ताे गर्याे भन्ने विषयमा खाेजी भइरहेकाे जनाएका छन् ।
Copyright © 2024 Bikash Media Pvt. Ltd.