२०७७ जेठ १६ गते ११:४० विकासन्युज
काठमाडौं । नेपाल चेम्बर अफ कमर्शका उपाध्यक्ष कमलेश अग्रवालले सरकारले ल्याएको बजेटले आयकरको सीमा नबढाएको कारण अनौपचारिक अर्थतन्त्रले अझ बढी प्रश्रय पाउने सम्भावना रहेको बताएका छन् ।
अहिले सरकारले तोकेको आयकरको सीमा कम भएको भन्दै उनले यसलाई बढाउन आवश्यक रहेको बताएका छन् । अहिले सरकारले व्यक्तिगत रुपमा ४ लाख र विवाहित व्यक्तिको लागि वार्षिक ४ लाख ५० हजार रुपैयाँसम्मको आम्दानीमा कर नलाग्ने व्यवस्था गरेको छ ।
नेपाल आर्थिक पत्रकार समाज (सेजन) ले गरेको अन्तरक्रिया कार्यक्रममा बोल्दै उनले यस्तो बताएका हुन् । सरकारलाई निजी क्षेत्रले स्टिमुलेसन प्याकेज ल्याउन सुझाव दिएको भएपनि सरकारले पुनरकर्जालाई अघि सारेर त्यसैलाई राहतको रुपमा व्याख्या गरिएको भन्दै उनले असुन्तुष्टि पनि जनाए ।
Copyright © 2024 Bikash Media Pvt. Ltd.