२०७५ फागुन ९ गते १४:१७ विकासन्युज
काठमाडौं । नविल बैंकले आगामी फागुन २७ गते आफ्नो ३४औँ वार्षिक साधारणसभा डाकेको छ । सो प्रयोजनको लागि बैंकले फागुन १४ गते बुक क्लोज गर्ने भएको छ ।
उक्त सभामा बैंकले ३४ प्रतिशत लाभांश वितरण गर्ने प्रस्ताव लैजाँदै छ । सभाले बैंक सञ्चालक समितिको प्रस्ताव अनुसार सेयरधनीलाई १२ प्रतिशत बोनस र २२ प्रतिशत नगद(करसहित) गरी सो मात्राको लाभांशलाई अनुमोदन गर्ने छ ।
हाल बैंकको चुक्ता पुँजी ८ अर्ब ०३ लाख रुपैयाँ रहेको छ । १२ प्रतिशत बोनसपछि बैंकको चुक्ता पुँजी ९ अर्ब रुपैयाँ नाघ्ने छ । बिहीबारको बजारमा बैंकको सेयर मूल्य १० रुपैयाँले बढेर प्रतिकित्ता ७९९ रुपैयाँमा कारोबार भइरहेको छ ।
बैंकको सभा फागुन २७ गते बिहान ११ः३० बजे कमलादीको नेपाल प्रज्ञा प्रतिष्ठानमा बस्दै छ ।
Copyright © 2024 Bikash Media Pvt. Ltd.
